LÎVERPOOL – Li Liverpoolê çalakiyek xwendina pirtûkan hate lidarxistin, ku ji aliyê Komînên Ciwanên Aştîxwaz ve hate birêvebirin. Ciwan ji bo xwendina pirtûkan û nîqaşên berfireh li ser paradîgmayaRêber Apo, kom bûn.
Di çalakiyê de nirxandinên kûr ên paradîgmaya modernîteya demokratîk a ku ji hêla perspektîfên Rêber Apo ve li ser rêxistina ciwanan, azadiya civakî û azadiya jinan hatî pêşxistin, hatin pêşkêş kirin. Beşdaran bi girêdana xwendinan bi şert û mercên têkoşînê yên heyî re li ser îradeya jiyana azad nîqaş kirin.
Piştî xwendin û axaftinan, ciwanan govend lîstin, û çalakî di atmosferek bi coş de berdewam kir. Qad bi pankartên ku Partiya Komunîst a Tirkiyeyê (TCŞ), YPG, YPJ û Rêber Apo temsîl dikirin, hatibû xemilandin, ku ruhê têkoşînê û biryardariya berxwedanê nîşan dida.
Ciwanên ku beşdarî çalakiyê bûn tekez kirin ku paradîgmaya Rêber Apo ne tenê pergalek ramanê ye, lê di heman demê de rêberek pratîkî ye ji bo jiyana ciwanan a rêxistinkirî. Hate diyarkirin ku hewldanên bi vî rengî di berfirehkirina hêza rêxistinkirî ya ciwanan li Ewropayê, pêşxistina kûrahiya îdeolojîk û misogerkirina berdewamiya têkoşînê de pir girîng in.
Komên Ciwanên Aşîtxwaz diyar kirin ku ew ê di serdema pêş de çalakiyên xwe bi rêya xwendina pirtûkan, perwerdehiya îdeolojîk û hewldanên rêxistinî zêde bikin da ku ciwanan teşwîq bikin ku rolek çalaktir û pêşengtir di têkoşînê de bigirin.
