NAVENDA NÛÇEYAN- Di sala 2025’an de têkoşinek pir girîng û dijwar hat jiyan kirin. Hem berxwedana dîrokî ya gerîla hem jî têkoşîna gelê me pêşketinên girîng û bi watê di çarçoveya Pêngava Azadiyê ya Navneteweyî de afirandiye. Bi vê rengî sala 2025 bû salek bi encamên girîng.
Encama herî mezin jî ew bû ku piştî çar salan me ji Rêber APO agahî wergirt. Li ser vê esasê Rêber APO ji bo avakirina civakek demokratîk manîfestoya aşitî û civaka demokratîk pêşkêşî me kir. Dîrok ji nûve şîrove kir û gelek têgihiştinên nû pêşkêş kir. Di vî warî de guhertinên bingehin kir.
Ev rêveçûna erênî di sala 2025’an de zêde bû û dewam kir.
Li aliyekî berxwedana dîrokî ya gerîlayên azadiyê yên kurdistanê, li aliyê din jî têkoşîna gelê kurd, jin û ciwan hate meşandin, ew jî bandoreke mezin li Kurdistanê, Rojhilata Navîn û cîhane kir.
Di 8’ê Kanûnê 2024’an de rejîma Baasê hilweşiya, piştî vê di sala 2025’an de li Suriye qonaxekek nû destêpkir. Dewleta dagirker a Tirkiyê û çeteyên wê li dijî sivîlan û binesaziyê êrişan pêk anîn ku heya roja îro jî bi çeteyên HTŞ re didome.
Di destpêkê salê de erîşêke berfireh li ser bajarê Minbicê û derdora Pira Qereqozaxê û Bendava Tişrînê hate kirin. Lê bi deh hezaran şêniyên ji hemû pêkhateyan dijî van êrîşan bûn mertal. Bendava Tişrînê jî bû sembola vê berxwedanê, berxwedanek dirokî hat jiyan kirin. Gel ji bo hebûna xwe Bendava Tişrine parast. Şehîdên me ya vê pêvajoyê jî bûn evsaneyên qehremaniyê yên dîrokî li hember şerê dagirkeriyan.
Bi banga Rêber APO ya 27’ê Sibatê jî ev berxwedan mezintir bû û pêvajoyeke nû bi kelecan û keyifxweşî destpêkir. Bi gelemperî, em dikarin bibêjin ku bi rêya vê bangê re Rêber APO carek din îspat kir ku ancex bi Sosyalîzm re mirov dikare jiyanek wekhev û azad jiyan bike. Bi manîfestoyê re dîrok bi awayekî nû şîrove kir û gelek têgihiştinên nû pêşkêş kir.
Bi vê rengî li her derê de Yekîtiya Jinên Ciwan ji bo rast fêmkirina Manîfestoyê xebatên xwendinê birêxistinkirin, kampên manîfesto hatin lidarxistin, civînên berfireh di derbarê manîfestoyê de hat lidarxistin û komxebat hatin birêxistinkirin. Niqaş û lêkolînek berfireh hatin kirin û di wê demê de gelek encamên girîng hatin bidestxistin. Ji ber ku Rêber APO perspektîfek nû afirand, perspektîfek ku divê em hemû kur lê bigerin û bi riya wê jinên ciwan bi banga Rêber APO rêxistinbûyina xwe xurt kirin û xwedî pêvajoya aşitî û civaka demokratîk derdikevin.
Her wiha ji bo Suriyeya nû li hemû qadan de komxebat û panel hatin birêxistin kirin. Ji ber ku ciwan û jinên ciwan ber bi azdiyê ve bimeşin, armanca van ya yekane jî têkoşîna ji bo azadÎ û demokrasî ye.
Li aliyê din Jinên Ciwan bi banga Rêber APO re carek din diyar kirin ku divê li her derê civakê xwe birêxistin bikin. Li ser vê bingehê, xebat û hewldanên ku heta niha hatine kirin armanc kirin ku civak bikaribe bi hev re jiyaneke azad û hevpar bijî. Taybet bi banga Rêber APO ya ser esasê rêxistinkirina komîn jinên ciwan diyar kirin ku ger ramanên xwe bi rêya komûnan azad bikin, dikarin di civakê de bi tevahî, di raman û jiyanê de azadiyê ava bikin.
Her wiha Yekîtiya Jinên Ciwan ji bo vegerandina hebûn û nasnameya jinên ciwan, ku ji aliyê dijmin û sîstema kapîtalîst ve tê hedef kirin, bi rêya perwerde û xwerêxistinkirinê kampa xwebûn birêxistinkirin. Li hemû bajaran de û asta hereman de kampa xwebûn hatin birêxistinkirin.
Disa ji bo xwedî derketina pêvajoyê Yekîtiya Jinên Ciwan kampanyayek bi navê ” KOM BIBE” da destpêkirin. Bi şiyara Bi Hevaltiya Komînal, bi Rêber APO re bijî” de xebatên cur be cûr yen dewlemend hatin darxistin. Ji bo gaveke hevbeş ber bi hevaltî, hevgirtin û jiyanek azad ve kar û xebatê xwe di çarçoveya kampanyaya de meşandin.
Wekî Yekitiya Jinên Ciwan, em bi hemû hêza xwe, xwe di hemû waran de rêxistin dikin û perwerde dikin. Em bang li hemû jinên ciwan dikin ku vê pêvajoyê bi rê ve bibin û bibin bersiva herî mezin ji bo wê. Divê em jî xwe perwerde bikin û li dora ramanên Rêber APO bibin yek. Em ê komunek bi pîvan, prensîb, zanîn û bilind ava bikin.
