NANTES – Li bajarê Nantes ê Fransayê, bi pêşengiya CKF (Ciwanên Kurdistanî yên Fransayê), şahiyek ciwanan hate lidarxistin. Çalakî bi deqeyek rêz girtin ji bo bîranîna şehîdên şoreşê dest pê kir. Piştre pêşkêşkirina sînevîzyonê hate kirin. Di bernameyê de her wiha pêşkêşkirina endama Koordînasyona Komalên Ciwan Legerîn Artemetan bi sernavê “Vegera Welat” jî hebû. Piştî pêşkêşkirina sînevîzyonê, peyama Rêber Apo ji bo ciwanan ji beşdaran re hate xwendin.
Bahoz Amed piştre li ser navê tevgera ciwanan axivî. Amed axaftina xwe bi bîranîna komkujiyên Parîs, Roboskî û Mereşê dest pê kir û bal kişand ser rola ciwanan. Wî diyar kir ku, wekî ku Rêber Apo destnîşan kiriye, divê ciwan pêvajoyê bi awayekî rêxistinkirîtir bi rê ve bibin.
Piştî axaftinê, bername bi stranên ku ji aliyê Komîsyona Çandê ya Nantesê ve hatin pêşkêşkirin berdewam kir. Çalakî bi pêşbirka stranan û loteriyê berdewam kir. Di tevahiya bernameyê de, ciwanan dirûşmeyên wekî “Bijî Serok APO”, “Bê serok jiyan nabe”, û “Ciwan fedayî yên Rêber APO ne” qîr kirin. Pîrozbahî bi atmosfereke coş û kelecan bi dawî bû.
