KOBANÊ – Tevgera Ciwanên Şoreşger û Yekîtiya Jinên Ciwan ên Kobanê, ji bo bîranîna şehîd Çiya Rizgar merasîmekî li Goristana Şehîd Dicle lidarxist. Bi dehan gelê welatparêz beşdarî bîranînê bûn.
Merasîm bi deqeyek rêzgirtin ji bo bîranîna hemû şehîdên şoreşê hat destpêkirin. Li ser navê Tevgera Ciwanên Şoreşger Îslim Mihemed axivî û diyar kir ku ewê şopa şehîd Çiya berdewam bikin û xebatê xwe xurtir bikin.
Piştre jî berdevkê Tevgera Ciwanên Şoreşger a herêma Firatê Şevger Mehmûd axivî û qala kesayeta şoreşger a şehîd Çiya Rizgar kir.
Piştî wê sinefizyonek li ser jiyana şehîd Çiya Rizgar hate pêşandan, li ber wêneya wî, mûm hatin vêxistin. Merasîma bîranînê bi berzkirina sloganên “şehîd namir in” bi dawî bû.
