NAVENDA NÛÇEYAN – Koordînasyona Tevgera Ciwanên Şoreşger (TCŞ) bi daxuyaniyeke nivîskî bang li ciwanên APOYI yên li Ewropayê dijîn kir ku di navbera 26-27’ê Nîsanê de çalakiyan li dar bixin.
Di daxuyaniyê de hate destnîşankirin ku azadiya fîzîkî ya Rêber APO azadiya civakan e û ev tişt hatin gotin: “Rêberê me bi manîfestoya xwe erk û berpirsyariyên serdema nû eşkere kir û rê û rêbaza têkoşînê ya ku wê ber bi azadiya civakî ve bibe derxist holê. Weke ciwan em bi pêşengiya vê berpirsyariya guhertinê re rû bi rû ne.
Daxuyanî wiha ye;
Rêber APO di 27’ê Sibatê de bi daxuyaniya xwe ya dîrokî destpêka serdemek nû da zanîn. Lê di eslê xwe de ev bangawazî encameke safîkirî û girankirî ya têkoşîna azadiyê ya Rêber APO ye ku zêdeyî nîv sedsalê dom kiriye. Bi vê bangê tê xwestin ku têkoşîna 52 salan konkret bike û şoreşa azadiyê zindî bike. Yên ku vê têkoşînê bi rê ve bibin, azadiya fîzîkî ya Rêber APO misoger bikin û manîfestoyê bidin jiyîn bêguman wê ciwanên APOYI bin. Esareta Rêber APO zincîreke ku li ser hêviya gelan a azadî, aştiya civakî û xeyala cîhaneke adil hatiye danîn. Ya ku dê vê zincîrê bişkîne vîn, wêrekî û meşa rêxistinkirî ya ciwanan e. Em dizanin ku îradeya ku dîroka gelan diguherîne û ber bi azadiyê ve dibe; Li qadan, li kolanan bi helwesteke rêxistinkirî derdikeve. Îro barê vê berpirsiyariyê ji her demê girantir e û lezgîniya erkê girantir e. Li bendê, temaşekirin an jî hêvî; Mîrateya zihniyeta koledar e. Ciwanên APOYI vê red dikin, tecrîd û esaretê qebûl nakin!
Rêbertî felsefeya jiyanê ye ku bingeha jiyana azad a civakî û exlaqî diafirîne. Heta ku azadiya fîzîkî ya Rêber APO pêk neyê azadiya civakî wateya xwe ya rast nabîne. Rêbertiya me bi manîfestoya xwe erk û berpirsyariyên serdema nû eşkere kiriye û rê û rêbaza têkoşînê ya ku wê ber bi azadiya civakî ve bibe, derxistiye holê. Em weke ciwan bi berpirsyariya pêşengiya vê guhertinê re rû bi rû ne. Em ê bi xurtî beşdarî çalakiyên 26-27’ê Nîsanê bibin û li kolanan bibin dengê azadiyê, ku îradeya hembêzkirina azadiya fîzîkî ya Rêber APO ji her demê bêhtir tê de ye.
Rêbertî li benda vê pêvajoyê namîne, tevdigere; Bi bîr xist ku divê em bi cesareta şoreşgerî bi jiyana nû re rû bi rû bimînin, ya kevin derbas bikin û rê li ber vekin. Ciwan hem deng û hem jî tevgera vê bangê ye. Yê ku îro tevnegere, sibe qet nikare biaxive! Êdî hincet ji kesî re nemaye. Qad, kolan, meydan; Ev cihên ku dilsoziya me ya bi Rêbertiyê re, îradeya me ya azadiyê û hêza me ya rêxistinbûyî tê îspatkirin. Heya ku ciwan pêşengiyê nekin, azadî tenê hêviyek dimîne.
Ji bo Kurdistana azad û aştiyeke bi rûmet azadiya fîzîkî ya Rêbertiyê şert e. Em ê vê îradeyê bixin qadan. Di 26-27’ê Nîsanê de wê qadan bi biryardariya ciwanan deng vede, ruhê APOYI li her derê bibe al! Em ji bo azadiya fîzîkî ya Rêber APO li kolanên Ewropayê dicivin. Meşa me ya azadiyê heta azadiya Rêber APO wê bidome!
