KOBANÊ – Îro em salvagera 12’êmîn ya Şoreşa Rojava pîroz dikin. Tovên ku we Şoreş şîn kir Rêber APO di sala 1979’an de bi hatina Kobanê hatin çandin. Di despêka Şoreşê heya îro hertim ciwan û jinên ciwan li pêş bû û pêşengtî kirin. Di nava 12 salan de jî pevajoyên cur bi cur gelê welatparêz ya Bakûr û Rojhilatê Sûriyê jiyan kir. Buyerên pir giran hatin jiyandin. Berdelen giran hatin dayin. Taybet ciwan û jinen ciwan xwe ji bo we şoreşê feda kir û canê xwe ji bo azadiya wî gelî, ji bo wî axê feda kirin. Ji bo we ev Şoreş şoreşa ciwanan jî, şoreşe ku bi keda Rêber APO, Şehîdan, gel, jin û ciwanan hatiye avakirin. Ev ked, ev xwîn ji bo wî şoreşê hatiye rijandin hişt ku em îro salvagera 12’êmîn ya we Şoreşê pîroz dikin.
Arîf Balî ku di reverberiya jingehê ya Kantona Firatê cihe xwe digre û di despeka Şoreşe di nava Ciwanan cihe xwe girtiyê ji ajansa me ser Şoreşa Rojava û keda ciwanan di we şoreşê de axifî. Arîf Balî diyar kir ku ciwanan taybet di qadên parastinê pêşengtî kirin û banga Rêber APO ya seferberiyê xwedî derketin û xwe bi pîvanên şoreşgerî rexistin kirin. Ciwan di şere li hember AlNusra û piştre Daişê re cihe xwe girtin û bûn xwedî rolekê fedakarî û lehengî ji bo parastina wî welatî. Arîf Balî diyar kir ku ciwanen di wî şoreşê gotina Rêbertî ‘hêza me serekê ciwan’ pêk anîn û wî rihê danê peş. Ev hişt ku Tevger heya roja îro ser piya dimîne.
Arîf Balî got:
“Navê min Arîf Balî. Ez reverberiya jingehê Kantona Fîrate me. Di vî welatî de şoreşek rabû. Ji 19’ê Tirmehê heta roja îro 12 sal ji pey xwe hişt. Di wan 12 salan de gelek tişt hatin jiyan kirin te di aliyê damezrandina saziyên Reveberiyên Xweser de bigre heya aliyê damezrandina Tevgerên me yên Civakî ku di nava civakê kar û xebat danê meşandin. Wekî her kesî dizanê di 2012 Şoreşa 19’ê Tîrmehê yekemîn hezekê me leşkerî ya YPG/YPJ ji wedere bi navê Tugaî Şehîd Sadîq hat avakirin. Kesên ku wekî leşker ji bo parastina wî welatî û ew nîrxen ku hatin damezrandin hatin, ciwanên wî welatî bûn. Piştre ji hemû paçeyen Kurdistanê her kes berê xwe da Rojava yê Kurdistanê û di nava Yekineyên Parastina Gel, YPG û Yekitiyên Parastina Jin, YPJ de cihê xwe girtin û bûn xwedî rolekê fedekarî û lehengî di parastina wî welatî de, di parastina wî gelî de, di parastina wî nîrxen û destkeftiyên ku bi keda Şehîdan hatine bi dest xistin.
Rêber APO ji ber we yekê dibejê ‘Şoreşa me bi ciwanan despê kiriyê em ê bi ciwanan bi serkevin’. Ji ber we yekê jî di qadên parastinê wan ku pêşengtî kirin ciwanên wî welatî, ciwanên Kurdistanê û ciwanên Enternasyonal yên ku li gorî banga Rêber APO berê xwe danê wî welatî û bi pîvanên şoreşgerî jiyana xwe rexistin dikin.
Taybet di Kobanê de di 2013’an de şer aliyê Girê Spî, Serînê, aliyê Şirler ji aliyê arteşên azad piştrê jî Necab Al Nusra despê kir. Piştrê di sala 2014’an de şer ketiyê qonaxekê duyemîn, dema ku çeteyên Daîşê bi hevkariya dewleta Tirk biriyar dan ku dagirkirina Kobanê pêk bînen. Di we demê de Rêber APO banga hemû ciwanên Kurdistanê û hemû ciwanên şoreşger di dûnya kir ji bo wan berê xwe bidin Kobanê û ala berxwedanê li hemberî terorê û hovitî diparezin. Niha ciwanên me di dema sala 2012’an heya 2015’de an bi xeta berxwedanê li Kobanê serketinê heya roja îro.
Wan insanan ku bi qeremanî û fedekarî jiyana xwe ji dest dan, em bi rêzdarî bi bîr tînen. Bi rastî di 2012, 2013’an de wek Botanê Reş û Botanê Sor, Mahir Çayan û birayê wî Çekdar, Rejber, Bahran, Regîn, Dîrok, Destan. Di qonaxa berxwedaniya a Navenda Kobanê de Şehîd Dilgeş, Şehîd Rênas, ji Başûrê Kurdistanê Givara Helebçe, Diyar Delila, Destîna Qendîl, Cûdî û bi dehan keç û xorten wî welatî wek Şehîd Rûstem ji bajarê Sirinê, ciwanêk ya Ereb bû, ew jî li gorî pivan û nirx şoreşa 19’ê Tirmêh xwe rexistin dikir û li vir cihê xwe girt.
Taybet di şerê Kobanê de şerekî sing bi sing bû. Di navbera mewzî û mewzî tene diwarêk hebû. Di wedere de rola ciwanan xwe da pêş. Taybet tabûrên me hebûn ku ji Heleb û ji Efrînê, ji Serêkaniyê hatin û xwedî tecrûbe di şerê bajaran de bûn wekî Şehîd Hawar, Şehîd Hogir, Amer Qamişlo, Azad Qamişlo, Hamza û Rênas, Rêzan. Wan ciwanan gohertinekê berçav di şerê Kobanê dan çekirin. Û ciwanan ku wedere ê bi navê Ciwanên Şoreşgêr û YPG û YPJ jiyana xwe ji dest danê em wan bi bîr tînên wekî Rizgar Efrînê, Demhat Kobanê, Erdal Efrîn, Cûdî Amed, Hebûn Qamişlo, ew berê di wedere bûn û bi qeremantî û li gorî wekî Rêber APO dibejê ‘hêza me serekê ciwan’ bi rastî bi wî rihê xwe danê pêş. Fedekar bûn, hemû insanên me, ciwanên me fedaî bûn.
Keda wan ciwanan ku li we demê de 2012’an heta 2015’an û piştrê di hemleya rizgarkirina Girê Spî, Bendawetiştrîn, Zirîn û di hemleya mezin ya rizgarkirina Minbice 2016’an diyar bû. Di encamê we de 800 Şehîden çebûn wek Şehîd Firaz, endamekê Ciwanên Şoreşger bû, berê we jî Firaz ê mezin ew jî Ciwanekê Şoreşger bû. Sadîqê Biçûk hebû, li Gûnde Jibne.
Pêşengtiya we kî kir? Ciwanan kirin. Çawa pêşengtiya we kirin? Ew ji berdewamiya xeta berxwedaniya Kobanê ê ciwanan ya Kobanê li we deme ciwanan Kurdistanê, ciwanan Enternasyonal bi qeremaniyek û fedekariyêk xwe pir danê pêş. Di hemleya rizgarkirina Tebqa, Reqa jî heta ji Tabahozê û heta roja îro ev xet ji aliyê Ciwanên Şoreşger de di hemû qadan de te berdewam kirin. Na tene de qada şer de, di qaden cûda cûda jî heta di nava saziyên Rêberberiya Xweser de di aliyên rolên û misyonên civakî de jî hemû ciwanên hene ku li gorî paradigmayê Rêber APO xwe rexistin dikin. Di her qadekî de te dibînî ciwan pêşengtî dikin. Ev yek ne keda rojêkê, ev ya keda ku di sala 79, 80’an de bi Mazlûm, Kemal û Heqî Karer, Mahir Çayan û bi dehan ciwanên bûn sedemekî ku we Tevger heya roja îro ser piya dihelê.”
