STENBOL – Di operasyona qirkirina siyasî de ku ji aliyê Serdozgeriya Komarê ya Stenbolê ve li dijî Partiya Sosyalîst a Bindestan (ESP) û Federasyona Komeleyên Ciwanan a Sosyalîst (SGDF) tê meşandin, polîsan avêtin ser malên gelek kesan.
Di serdegirtinê de Hevserokê ESP’ê Şahîn Tumuklu, endamên ESP’ê Huseyîn Îldan, Çinar Altan, Omer Sînan, Hidir Yilmaz, Emrah Topaloglû, Zeynep Gerçek, Îbrahîm Gerçek, Hevseroka SGDF’ê Alev Ozkîraz, endamên SGDF’ê Ela Denîz Albayrak, Ozge Dogan, Nazli Yoyler, Yaren Tûncer, nûçegihana ETHA’yê Pinar Gayip û endama Meclîsa Partiyê ya HDP’ê Hêlîn Yilmaz hatin destgîrkirin.
Kesên hatin destgîrkirin birin Midûriyeta Emniyeta Stenbolê ya li Kolana Vatanê.
