BEHDÎNAN – HPG’ê nasnameya 3 gerîlayên li Botanê şehîd bûne eşkere kir û diyar kir, ku hevrêyên wan ên şehîd bûne bi bawerî û ruhê fedayî, bi berxwedana xwe têkoşîna azadiyê gaveke din nêzî serketinê kirine.
Daxuyaniya Navenda Ragihandin û Çapemeniyê ya HPG’ê ya li ser mijarê wiha ye:
“Di daxuyaniya xwe ya 18’ê Îlona 2020’î de me ragihandibûn ku artêşa Tirk a dagirker 15’ê Îlonê li zozanê Beytanê yê navenda Colemêrgê dest bi operasyoneke dagirkeriyê kiriye, di şerê giran û êrişên hewayî de hevrêyên me Nûman, Eylem û Dîlan şehîd bûn. Agahiyên li ser nasnameya hevrêyên me yên şehîd bûne wiha ne:
 |
Nasnav: Eylem Rojen
Nav paşnav: Leyla Acar Cihê jidayikbûnê: Wan Dayik-Bav: Hayal-Alî Dem û cihê şehadetê: 15’ê Îlona 2020 / Botan |
 |
Nasnav: Dîlan Koçer
Nav paşnav: Foza Badir Cihê jidayikbûnê: Dêrik Dayik-Bav: Berîvan-Mûhammed Dem û cihê şehadetê: 15’ê Îlona 2020 / Botan |
 |
Nasnav: Nûman Amed
Nav paşnav: Hamît Kartal Cihê jidayikbûnê: Amed Dayik-Bav: Azîze-Mehmet Dem û cihê şehadetê: 15’ê Îlona 2020 / Botan |
Hevrêyên me Eylem, Dîlan û Nûman, li nava welatparêziya Kurdistanê ji dayik bûn ku vejîna neteweyî pêk dihat û gelê me rabû bû serhildanê. Bi çanda berxwedanê ya têkoşîna me mezin bûn. Li dijî polîtîkayên qirkirinê yên ku dewletên dagirker li gelê Kurd ferz dikirin, têgihiştin ku berxwedan têkoşîna hebûnê ye û wezîfeya bingehîn a neteweyî ye. Lewma di demên cuda de tevlî nava refên azadiyê bûn. Di felsefeya kûr a Rêber Apo de şareza bûn, ji bo bibin xwedî kesayetiya milîtan a Apoyî, gerîlayên profesyonel ên demê, xwe bi taktîk û rêbazên dewlemend bixemilînin, ked û hewldaneke mezin dan. Hevrêyên me ku bûn mînaka hevrêtiya bedew, milîtaniya leheng û sekna bi biryar, ji bo li Bakurê Kurdistanê derbê li şerê dewleta Tirk a dagirker bixe, ku bi derfetên xwe hemû û bi piştgirya çeteyên xwe yên noker dimeşîne, berê xwe dan Botanê. Ji bo li Botanê xeta dema nû ya gerîla bi rengê herî baş bixin pratîkê, hevrêyên me karekî serketî kirin. Hevrêyên me Eylem û Dîlan li her devera Kurdistanê bûn nûnerên leheng ên berxwedana lehengî ya jinên Kurd, xet û tevgera jinên azad a Apoyî.
Dewleta Tirk a qirker mêtinger li pêşberî berxfwedana gerîla bêçare maye û kiryarên xwe yên ji bo qirkirina gelê Kurd zêde kiriye. Yekane rêya têkoşînê ya li dijî êrişên dewleta Tirk a faşîst û rêbaza hebûnê, xurtkirina têkoşîna şehîdên me yên leheng in. Hevrêyên me Eylem, Dîlan û Nûman berxwedana dîrokî ya şehîdên me dewr girtin û bi heman ruhê fedayî û baweriyê têkoşiyan, b berxwedan û lehengiya xwe têkoşîna me bi gaveke din nêzî serkertinê kirin. Mîrateya têkoşînê ya ku hevrêyên me bi ked û biryardariyeke mezin ji em re hiştin ji bo me talîmata serketinê ye. Serxistina têkoşîna me ya esîl a ku hevrêyên me yên şehîd ên leheng di oxira wê de canê xwe feda kirin, perspektîfa me ya bingehîn e.
Di serî de malbatên hêja yên hevrêyên me yên şehîd bûne Eylem, Dîlan û Nûman em sersaxiyê ji tevahiya gelê Kurdistanê yê welatparêz re dixwazin û soz didin ku em ê xewn û eyalên hevrêyên xwe yên şehîd bi serketinê tacîdar bikin.”
