FLORENSA – Xwepêşandana li Floransayê li Meydana Santa Maria Novella bi beşdariyeke xurt a ciwanên Kurd dest pê kir. Ji wir, girse bi qîrîna dirûşmeyan ber bi Waliyê Floransayê ve meşiya. Di tevahiya meşê de, gelek caran dirûşmeyên ku azadî, edalet û biratiya di navbera gelan de tekez dikirin hatin qîrkirin.
Di çalakiyê de, gelek rêxistinên siyasî, civakî û demokratîk beşdar bûn, di serî de nûnerên Koma Meclîsa Sosyalîst a Şaredariya Floransayê. Her wiha Alessandro Orsetti, bavê Şehîd Têkoşer Pılıngın û Serokê Civaka Kurd a Toskanayê, û Alican Yıldız, Nûnerê Toskanayê yê Heyvasorê jî amade bûn.
Her wiha, nûnerên xwendekar û akademîk ên ji GNK Firenze, Potere al Popolo Toskana, Newros Pisa, û Università di Firenze, û gelek komên enternasyonalîst, di xwepêşandanê de amade bûn. Di axaftinên xwe de, nûnerên van rêxistinan bal kişandin ser zilm û zordariya li ser gelê Kurd û bang li civaka navneteweyî kirin ku bêdeng nemînin.
Di daxuyaniyên li ber Walîtiya Floransayê de, tekezî li ser pêwîstiya eşkerekirina êrîşên li dijî gelên bindest, bi taybetî jî gelê Kurd, hat kirin. Bangek ji bo xurtkirina hevgirtinê hat kirin, û bal hat kişandin ser karakterê navneteweyî yê têkoşînê. Piştî axaftin û dirûşmeyan, xwepêşandan bi aştiyane bi dawî bû.
