NAVENDA NÛÇEYAN – Koma Awazê Çiya berhema xwe ya nû, ya bi navê ‘Gûrbetellî’ belav kir.
Ev stran û klîpa nû ya koma muzîkê ya gerîla, îro li ser Med Muzîk TV û portalên dîjîtal hate belavkirin.
Wekî piraniya berhemên wan ên hunerî, ev xebata nû jî hestên şoreşgerî û gelêrî dighînin hev.
Endamên komê diyar kirin ku bingeha muzîk û helbesta vê stranê ya ku bi zaravê dimilkî ye, beriya 19 salan, ji aliyê welatparêzekî (Xalis) li Çewligê ve hatibû danîn.
Der barê berhema ku ji bo bîranîna cangorî Gurbetellî Ersoz (Zeyneb) hate amadekirin, endamên gotin, “Îro di kesayeta Heval Gûrbetellî de ji bo hemû xebatkar û şehîdên çapemeniyê, me xwest em vê berhemê bi gel û guhdarvanên xwe re parve bikin. Em dibêjin û bawer dikin ku pênûs û çekê wan hevalên pîroz wê asoya me fireh bike û têkoşîna me bilindtir bike.”
Stran di salvegera 23’emîn a yekem seredîtora ragihandina jin li tevayî Kurdistan û Turkiyeyê, Gûrbetelli Ersoz hate belavkirin.
Endamên koma Awazê Çiya, di dawiya axaftina xwe de, ev hevok anîn ziman: “Bi vê boneyê, di kesayeta Heval Gûrbetellî de, em hemu şehîdên çapemeniyê bibîr tînin.”
Gotinên stranê jî wisa ne:
Kowqîl piyêr bî balişnê tiwa
Deşton û merg bî doşêk tiwa
Vora sipî lahêf tiwa
Şo kêynê ma tûr oxirbo
Gurbetellî Gurbetellî
Gurbetellî Gurbetellî
Qelemê ti biya xençerî
Gina sêr cigêr dişmenî
Ti sîmina ti zerdina
Ti melekê ezmonona
Ti sînayê sêr zerrona
Şo kêynê ma tûr oxirbo
Gurbetellî Gurbetellî
Gurbetellî Gurbetellî
Qelemê ti biya xençerî
Gina sêr cigêr dişmenî
Stranbêj : Awazê Çiya
Gotin û Muzîk: Xalis
Şîrove û Aranje: Awazê Çiya
Herêm: Çewlig
