KOBANÊ – Piştê berxwedana Kobanê û têkçûna dewleta Tirk û çeteyên wî ya li Rojavayê Kurdistanê û Bakurê Suriyê dewleta Tirk a dagirker dixwaze bi rêya şerê taybetê civaka Rojava bixîne. Bi operasyonên Asayîşa Herêma Firatê ve derketibû holê ku hinek kes bi alikariya dewleta Tirk a dagirker ve maddeyên hişbir û fuhuşê di nav ciwanên Kobanê de belav dikin. Hinek kes hatibûn girtin û dadgeh kirin.
Ji bo hinek ciwanên ku hatine xapandin ji vê qirêjahiyê rizgar bikin û ciwanên nû nekevin kêmînin wisa Desteya Ciwan û Werzîşa Herêma Firatê pêngavek bi navê “Serî Hildin, Em ê bihev re hişbir û fuhuşê tune bikin” didin destpêkirin. Di derheqa mijarê de Hevserokê Desteya Ciwan û Werzîş a Herêma Firat’ê Bozan Berkel û Endamê Meclîsê Ciwanan Ahmet Derwîş plansaziya pêngavê ji me re anîn ziman.
‘Me li dijî fuhuş û heşîşê pêngavek didin destpêkirin’
Bozan Berkel dibêje ku; “Di bin sîwana Desteyê de em pêngavek didin destpêkirin. Derket holê ku dijmîn dixwaze ciwanê me bixapîne, bi rêya fuhuş û maddeyên hişbirê. Ji ber ku dijmînê me di milê leşkerî de li giştî Bakur û Rojhilat Suriyê de hate paqij kirin. Ji çeteyên derveyî mirovahiyê vala bû. Projeya me ya Netewa Demokratîk li tevahî Bakur û Rojhilata Suriyê biserket. Ji ber vê jî li dijî vê dewletên dagirker, dewletên dijî mirovahiyê ji bo projeyên me bin bixin, projeyên nû xistin dewreyê. Di milê leşkerî de nikaribû bin bixe, lê di aliyê fikrî de niha dixwazê şerekî bimeşîne. Şerekî taybet ser ciwanê me bimeşîne. Ji ber ciwan pêşengê civakê ye. Ciwan ji şoreşa Rojava re pêşengî kir. Ji ber vê jî dixwaze di nav ciwanan de maddeyên hişbir û fuhuşê belav bike û ciwanê me bixîne.”
‘Bi Desteyên din re wê hevpar xebat were kirin’
“Me bi desteya Tenturîstî re têkilî danî û me xwest hemleyek pêşbixin. Bi hev re me ê li dijî fuhuş û maddeyên hişbirê têbikoşin. Hundir vê hemleyê de seminer were dayîn. Naskirina ciwanan, naskirina welatbarêzî, naskirina heqîqeta civakê were dayîn. Derveyî vê çawa em xwe ji maddeyên hişbirê biparêzin seminer were dayîn. Dîsa ji bo vê sînevîzyon were amadekirin û temaşekirin. Hundirê sînevîzyonê de jî bandora maddeyên hişbirê li ser tendurîstiya mirov çiye cihê xwe bigire. Di heman demê de di hundirê wê de bandora ku li ser fikre mirov heye were dayîn. Bandora maddeyên hişbir û fuhuşê ya ku dihêle mirov çawa derdikeve derveyî exlaq û çanda civakê xwe were ziman. Em ê bi sohbet û civînan, belavokan vê bidin fêmkirin.”
Şiyara Pêngavê “Serî Hildin, Em ê bi hev re hêşbir û fuhuşê tune bikin” e
Ehmed Derwêş ya endamê Meclîsê Ciwanan jî dibêje; “Em ê li dijî maddeyên hişbirê pêngavek didin destpêkirin. Slogana pêngavê jî “Serî Hildin, Em ê bi hev re hêşbir û fuhuşê tune bikin” e. Ji bo vê jî me plansaziya ku ji belavok belavkirin, seminer û sînevîzyonê dayîn pêk tê. Me ji bo vê bi saziya Asayîşê re jî têkilî danî. Ew bere kesên ku bikartînin nasdikin. Yê ku vê nav ciwanan belav dike dewleta Tirk e. Dewletekê hovanê ye. Niha biçin li Bakurê Kurdistanê di nav ciwanan gelek vê belav kirine û ciwan xistine bin sîwana xwe. Dijmîn bi rêya siyaset û şer de serneket. Niha dixwazê bi rêya hêşbir û fuhuşê ciwanê me bixe bin kontrola xwe. Lê em berpirsiyarê van ciwanan e. Em ê destur nedin ku van tiştan bikin. Ev bajar xwedî dîrok e. Ciwan jî xwedî dîrok in. Em bi hêvî ne ciwanê xwe bi rêxistin bikin û jê xilas bikin.”
