EDENE – Di şahiya “Ji nû ve zayîn bi civaka demokratîk re” de, ku di bin pêşengiya Platforma Saziyên Demokratîk a Edeneyê de hat lidarxistin, hat destnîşankirin ku gelê Kurd bi têkoşînê derketiye holê.
Bi pêşengiya Platforma Saziyên Demokratîk a Edeneyê, li qada topê ya taxa 19 Mayis a navçeya Yurexirê bi dirûşmeya “Bi civaka demokratîk vejîn” şahiyek hate lidarxistin. Şahî bi teva Marşa Çerxa Şoreşê deqeyeke rêzgirtinê bi dirûşmeyên “Şehîd namirin” û “Bijî Serok APO” hatin berzkirin. Bi sedan beşdar, ji 7 heta 70 salî, bi deqeyan li ber stranan govend girtin.Endamên ciwan ên Meclîsa Ciwanan a Partiya Demokratîk a Gel (DEM) belavokên ku nirxandina Onder Apo û wêneyên şehîdan tê de bûn belav kirin.
Seyfettîn Aydemîr, Hevserokê Bajarê Edeneyê yê Partiya DEM’ê, di festîvalê de axivî û diyar kir ku pevçûna li herêmê bûye sedema êşên mezin û girîngiya pêvajoya ku Rêberê Gelê Kurd Abdullah Ocalan di 27ê Sibatê de dest pê kiriye, destnîşan kir. Aydemîr got, “Em piştgiriya xwe ji bo vê pêvajoyê radigihînin û silavên xwe yên germ ji Birêz Abdullah Ocalan re ji Edeneyê dişînin.” Aydemîr diyar kir ku divê her kes berpirsiyariya pêkanîna aştiya civakî bigire ser xwe û got, “Piştgiriya vê pêvajoyê û bicihanîna pêdiviyên wê erkê me ye. Berpirsiyariyeke mezin li ser me hemûyan heye ku careke din hêsirên dayikan neherikin, ev şerê qirêj biqede û careke din çênebe.”
“EM BI TÊKOŞÎNÊ GIHÎŞTIN VÊ XALÊ”
Axaftvanê dawî yê festîvalê Parlamenterê Mersînê yê Partiya DEM’ê Alî Bozan bû. Bozan, salvegera 47’emîn a damezrandina PKK’ê pîroz kir û bal kişand ser polîtîkayên îmha û înkarê yên li ser gelê Kurd û tekez kir ku gelê Kurd bi têkoşînê gihîştiye vê xalê. Bozan got, “Wekî ku me 50 sal berê got, Kurd hene, welatek Kurda heye, nasnameya Kurda heye, û zimanê Kurda heye. 50 sal derbas bûn, û em dikarin vê yekê li vê deverê bibînin. Em dubare dikin: em Kurd in, welatê me Kurdistan e, û zimanê me Kurdî ye. Heta niha, siyasetek qirêj dihat meşandin. Ev siyaset înkara Kurdan bû. Îro, bi saya şehîdên têkoşîna azadiyê û Têkoşîna Azadiya Kurd, ev înkar ji holê rabû. Niha, kes nikare bêje, ‘Kurd tune ne.’ Ew nikarin bêjin, ‘Zimanê Kurdan tune.’ Ger em îro li van deveran bicivin, ev bi saya şehîdên têkoşîna azadiyê ye. Em careke din li ber wan bejna xwe ditewînin. Em ê qet şehîdên xwe ji bîr nekin.”
Festîval bi govend girtina gel dawî bû.
