NAVENDA NÛÇEYAN- Desteya Hundirîn a Rêveberiya Xweseriya Demokratîk a Kantona Cizîrê li ser hesabê xwe yê Facebookê ragihand ku Nivîsgeha Jinan a desteyê bi diruşma “Jiyan layiqî jiyînê ye” kampanyaya hişyariyê da destpêkirin.
Armanc ji vê kampanyayê ew e ku li hember rewşên xwekuştinê û bikaranîna hişbirê bisekinin, piştgirî û hişmendiya derûnî û civakî ji bo jin û jinên ciwan û zarokan bê dayîn. Li kêleka wê jî ev kampanya ji bo rûbirûbûna faktorên ku dibin sedema îzolasyon û depresyonê.
Li gorî organîzatorên kampanyayê, di vê dawiyê de gilîkirin û raporên ji şênî û saziyên civaka xwecih de der barê rewşên xwekuştinê û bikaranîna hişbirê de zêde bûne. Wê jî hişt ku destwerdana were kirin ku hişyariyeke giştî hebe da ku sedemên wan diyardeyan ji binî de werin çareserkirin, ji nû ve bi xwe bawerbûn û hevgirtina civakî çêbe.
Plana vê kampanyayê ya ku mehekê dirêj dike û 10ˊê Tebaxê hatiye destpêkirin ew e ku şopandina rewşên berê, niha û piştî kampanyayê agahî li ser wan hatine dayîn e. Li kêleka wê jî asta têkelbûna bi madeyên hişyariyê yên bi rêya medyayên dîjîtal tên belavkirin û hejmara beşdaran di semîner û civînan de werin şopandin.
Di demeke dirêj de, wê hevkarî bi aliyên eleqedar re, ji bo şopandian nîşaneyên bîlançoya girêdayî asta xwekuştinê û bikaranîna hişbirê, were kirin. Armanc jî ew e ku bi datayên berê re hevrûkirinê were çêkirin. Di aliyekî din de jî dê têkildarî encamên kampanyayê, ankêtên raya giştî jî li ser asta guhertina reftaran û asta hişmendiya civakî werin kirin.
Kampanya xwe dispêre hevkariya bi komîn, dibistan û zanîngehan re, da ku misoger bike ku peyama hişyariyê gihaştiye beşeke fireh ji civakê.
Organîzatorên kampanyayê destnîşan kir ku kilîta serkeftinê di şikandina benda bêdengiyê û avakirina zemîneke ewle ya ji bo teşwîqkirina diyalogê û xwestina alîkariyê ye.
Di dawiya daxuyaniyê de banga beşdariya aktîf a li kampanyayê hat kirin; çi bi rêya amadebûnan an jî bi rêya têkelbûna bi naveroka hişyariyê yan jî alîkariya belavkirina peyaman de û hat gotin: “Em bawer in ku jiyan layiqî jiyînê ye û divê tu kes bi tena xwe rûbirûyî pirsgirêkên xwe nebe.”
