Daxuyanî li Çerxerêya Efrînê ya di navbera taxên Enteriyê û Qidûrbek ên bajarê Qamişlo de bi amadebûna şêniyan, endamên Rêveberiya Xweser, Kongra Star, saziyên civaka sivîl, TEV-DEM, Meclisa Malbatên Şehîdan û partiyên siyasî hate dayîn.
Hevserokê Meclisa Rêveber a Rêveberiya Xweser a Kantona Cizîrê Hesen Şero bi zimanê kurdî û hevseroka Meclisa Rêveber Sember Ebdullah bi zimanê erebî daxuyanî xwend.
Di daxuyaniyê de hate diyarkirin ku Newroz dê li 7 navendan bi dirûşma “Azadiya fîzîkî ya Rêber Apo mîsogeriya civaka demokratîk e” were pîrozkirin.
Bernameya Newrozê wiha ye:
Hesekê: Qada Newrozê ya li Bendava Rojava
Qamişlo: Qada Newrozê ya li gundê Hîmo
Dêrik: Qada Şehîd Çîçek
Tirbespiyê: Qada Dirêçîk
Girkê Legê: Gundê Helîq. Şêniyên Çilaxa, Girkê Legê û Rimêlan beşdar dibin.
Amûdê: Gundê Çaxir Bazar
Dirbêsiyê: Gundê Çolbistan.
Pîrozbahiyên Newrozê dê saet di 11.00’an de dest pê bikin û saet di 15:00’an de bi dawî bibin.
Di dawiya daxuyaniya Rêveberiya Xweser a Kantona Cizîrê de û hate gotin: “Ji bo em bibin bersivek ji pêvajoya dîrokî û banga Rêber Apo re, em beşdarî pîrozbahiyên Newrozê bibin.”
