DUSSELDORF- Di çarçoveya çalakiyên 41. salvegera 15’ê Tebaxê Cejna Vejînê de, li Dusseldorfê bi pêşengiya ciwanên TCŞ û TekoJin meş û cejneke girseyî hate lidarxistin. Bi sedan Kurdistanî û dostên wan bi boneya 40’emîn salvegera Cejna Vejînê ya 15’ê Tebaxê li ber Hauptbahnof a Dusseldorfê li hev civiyan. Di daxuyaniya çapemeniyê ya Elmanî de ku ji beşdaran re hat kirin de, qonaxa heyî ya pirsgirêka Kurd, polîtîkayên qirkirinê yên dewleta Tirk û êrîşên dagirkerî û îmhayê yên li qadên parastina medya ên kirin, hatin şermezarkirin û girîngiya berxwedana bi pêşengiya Rêbertî û PKK hate tekez kirin.
Piştî daxuyaniyê girse bi pankarta “Em bi rihê Fermandar Agît Ser Rêya Azadiyê dimeşin” heta qada Corneliusplatzê meşiyan. Di tevahiya meşê de dirûşmeyên silavkirina pêngava yekemîn a PKK’ê û berxwedana gerîla hatin qîrîn. Li gel dirûşmên “Em bi can bi xwîn bi tera ne Ocalan” û “Bijî Serok Apo”, “Terorîst Erdogan” jî hatin berzkirin. Girseyê pankart û dowîzên ku bal kişandin ser berxwedana Qadên Parastina Medyayê hilgirtin. Her wiha di meşê de li ser êrîşên qirkirinê yên dewleta Tirk bi Elmanî daxuyaniyên agahdarkirinê hatin dayîn.
Meşa bi coş û bi alên PKK’ê li kolanên Dusseldorfê dewam kir û li Corneliusplatzê bi dawî bû.
Piştî meşê li ser navê TCŞ’ê Şiyar Botan axaftinek kir.
Her wiha ciwanên beşdarî pîrozbahiyê bûn diyar kirin ku divê hemû ciwan di salvegera têkoşîna 15’ê Tebaxê de bi awayekî aktîf beşdar bibin û têbikoşin.
Mehmet Botan wiha axivî;
“40. Pêngava 15’ê Tebaxê ku di salvegera wê de ye, li hemû gelê me, di serî de li hemû şehîdên me yên hevalên me yên ciwan pîroz dikim û hevalên me yên berxwedêr bi rêzdarî silav dikim. Em Pêngava 15’ê Tebaxê ya ku di 40’emîn salvegera wê de ye, li Dusseldorf a Ewropayê pîroz dikin. Em dixwazin hemû hevalên me yên ciwan, hemû dostên me yên welatparêz li ku dibin bila bibin, çi li qada Ewropayê, çi li qada Kurdistanê, çi li qada gerîla, bi coş pîroz bikin. Divê vê kelecanê di nava xwe de nehêlin. Bila bi vî rengî dakevin kolanan. Ji ber ku her tişt bi di sala 1978 de dest pê kir. Di sala 1984’an de me ev yek veguherand pêngava têkoşîna çekdarî. Û wek ku hûn îro dibînin, ew di hemî qadan de xuya dike. Di kolanan de xuya dike. Pêdivî ye ku em bi rengekî vê coşbûnê biceribînin. Ez ji bo hevalên xwe yên ciwan jî bang dikim. Li cihê xwe nemînin. Divê ew li malê rûneynin. Ev coş rastiya ku me dike ku em in. Ya ku ciwan û ciwan dike ev ruhê şoreşger e. Hestên ku ev ruh îfade dike. Ew derdixin kolanan. Ji ber ku ne tenê ji bo me, ji bo tevahiya mirovahiyê hewce ye ku em vê bibihîzin. Ji ber ku zimanekî qedexekirî heye. Rastiyeke qedexe heye. Divê em vê yekê bi çand, rastî û zimanê xwe nîşan bidin. Ji ber vê yekê ez pêngava 15’ê Tebaxê li hemû hevalan pîroz dikim. Hêvî dikim ku her hevalek bi awayekî aktîf beşdarî vê têkoşînê bibe. Ez her hevalekî bi rêz silav dikim. “Ez careke din 15’ê Tebaxê Cejna Vejînê ya we pîroz dikim.”
Her wiha Ahmet Amed jî wiha aixifî;
“Îro em 15’ê Tebaxê li Dusseldorfê pîroz dikin. Cejna vejînê li hemû gelê Kurd pîroz be. Weke ciwanên Kurd pêwîste em rêya Şehîd Egîd bişopînin. Şehîd Egîd ronahî da gelê Kurd. Guleya yekem a ku li çiyayên Kurdistanê avêt, hêviyek da gelê Kurd. Gelê Kurd ji zincîrên metîngeriyê rizgar kir. Em ê bi fikir û ruhê Rêber APO serkeftinê bi dest bixin. Her bijî Kurd û Kurdistan.”
