STENBOL – Endamên Xeta Jinê diyar kirin ku ew ê bi dirûşmeyên xwe bersivê bidin qirkirina çandî û diyar kirin ku ew ê li dijî êrîşan xweparastinê pêk bînin û peyam dan ku ew ê li derdora Xeta Jinê ruhê berxwedanê geş bikin.
Xeta Jinê bi dirûşmeya “Xeta jinê xeta jiyanê ye” li dijî polîtîkayên qirkirina çandî xeta têkoşînê ya ku li dora xwe pêşxistiye, berfireh dike di “Xeta jina xeta jiyanê ye” de, bi xebatên xwe têkoşîna ji bo reng û dîtina jinên ciwan berfirehtir dike.
Ji Xeta Jinê Esra Meneş û Esma Taşdemîr li ser xetên têkoşîna li dijî polîtîkayên qirkirina çandî nirxandin kirin.
‘Em li derdora Xeta Jinê ruhê berxwedanê mezin dikin’
Esra diyar kir ku xwestine Xeta Jinê bi xeta jiyan, dîtin û hîskirina jinê bidin jiyîn û diyar kir ku rastî û nasnameya jinê heye ku hewl tê dayîn ji jiyanê bê derxistin. Esra diyar kir ku ew ê li derdora dirûşma “Jin Jiyan Azadî” li hemû qadên jiyanê li dijî feraseta koletiya 5 hezar salî ya li ser jinan tê meşandin bicivin û got, “Em bi ruhê berxwedanê li kolanan dirûşma Jin Jiyan Azadî mezin dikin. Li kampusan, li her derê em vê mezin dikin. Em li Xeta Jinê li dijî zîhniyetên desthilatdar ên ku dixwazin sedsala 21’ê veguherînin qirkirina jinan, li hev kom dibin. Em bang li hemû jinan û bi taybet jinên ciwan dikin ku li dora Xeta Jinê xwe bi rêxistin bikin.”
‘Jin bi xwe jiyan e’
Esma, da zanîn ku ew ê bi şîara “Xeta jina xeta jiyanê ye” ruhê berxwedanê yê li dijî polîtîkayên qirkirina çandî ji nû ve biafirînin û destnîşan kir ku di nava gelên bindest de di pergala siyasî ya modernîteya kapîtalîst de êrîşa herî girîng li ser nasnameya jinê ye. Esmayê wiha got: “Jin bi xwe jiyan bi xwe ye, ji ber ku jin fêr bibe, hîn dike. Îro herî zêde êrîş li dijî jinên Kurd tên kirin. Dixwazin hebûn, ziman û çanda kurdan tune bikin. Em ê bi dirûşmeya xwe bersivê bidin van hemû polîtîkayan da ku hemû jinan bi taybet jinên Kurd hişyar bikin.”
‘Em ê li dijî êrîşan xwe bi xwe biparêzin’
Esma, diyar kir ku êrîşa li ser jinê ne tenê di sedsala 21’ê de ye û got, “Ji roja ku pergala desthilatdariya baviksalarî hatiye avakirin û vir ve êrîş li jinan tê kirin. Ji ber ku ger gel bixwaze bê tinekirin gava yekem jin e. Li hemberî van êrîşan em ê hêza xwe ya parastinê xurt bikin. Em ê hişyar bibin û li dijî modernîteya kapîtalîst a serdest em ê têkoşîna xwe bimeşînin.”
‘Em ê bi dirûşma Jin Jiyan Azadî têbikoşin’
Esma, anî ziman ku ew ê nexşerêya têkoşîna xwe li hemû qadên jiyanê berfireh bikin û got, “Em ê bi çand, ziman û rengê xwe têbikoşin. Em ê li ku bin, li kampus û kolanan bibin dengê jinan. Em ê bi jinan re bi hev re xwe bi rêxistin bikin û têbikoşin. Em ê bi dirûşma Jin, Jiyan û Azadiyê li her qadê amade bin û têbikoşin.”
Xeta Jîne kengî hatiye damezrandin?
Jinên ciwan ên zanîngehê yên li Tirkiye û Kurdistanê bi boneya 25’ê Mijdarê Roja Têkoşîna li Dijî Tundiya li Ser Jinê ya Cîhanê, ji bo balê bikşînin ser rola jinên ciwan li dijî dagirkerî, tecrîd û şer, avakirina xwe ragihandin.
Çavkanî: Jinews
