NAVENDA NÛÇEYAN – Înîsiyatîfa Ciwanên Rojhilata Navîn wê bi bi beşdarbûna 25 rêxistinan li Beyrût di 8 û 9’ê Hezîranê konferansekî bi dirûsmeya “Ciwan û avakirina pêşerojekî azad” li darbixe.
Ciwanên ereb ku di nava şoreşê Bakûr û Rojhilatê Sûriyê de cih digirin û wê beşdarî konferansê bibin li ser xebatê xwe û hedefê xwe ji malpera Înîsiyatîfa Ciwanên Rojhilata Navîn re axivîn.
Lîna, endama Meclîsa Ciwanên Sûriyê Demokratîk
“Bi giştî, hemû tevger û rêxistin sîstema xwe ya navxweyî li gorî taybetmendiya xwe heye û hemû jî li ser projeya neteweya demokratîk in.
Sosyalîzmê împeriyalîst a ku li cîhane belav bû, ku em ji wî re sosyalîzma pêkhatî dibêjin, tu eleqeya wî bi sosyalîzmê re nîne.
Lê em mafê Lenîn û Marks ên pêşxistina sosyalîzma zanistî red nakin.”
“Bi giştî em ne cudaxwaz (separatîst) in. Em in ên ku li hember rêxistina terorîst a herî metirsîdar a cîhanê, DAIŞ’ê, tekoşîn kir, û em dixwazin Sûriyeyeke yekgirtî, piralî, demokratîk û nenavendî li gorî prensîbên projeya Netewa Demokratîk pêk bînin.”
“Em ên ku bi rastî li qadan alternatîfekî digerin. Em ne cudaxwaz (separatîst) in. Cewherê peywendiya me bi rejîmê re ev e: Wek ciwan em dixwazin vê sîstemê biguherin û bigihînin Sûriyekî nû.”
“Ev guhertina demografîk li herêmê piştî têkçûna hêzên derve û çeteyên ku xwe muxalefetê dikin, pêk hat û ev dagirkerî ji bo şikandina şoreşa 19’ê Tîrmehê (şoreşa jinê) û şikandina qadên xwerêveberiyê pêk hat. Em qebûl nakin ku tu beşê Sûriyê were dagir kirin.”
Ehmed Cemîlî, hevserokê Meclîsa Ciwanan a Partiya Sûriyê Pêşerojê
“Di warê peywendiya Rêveberiya Xweser bi eşîrên Ereban re bi giştî, tiştê ku em li vir û di jiyana xwe ya rojane de dibînin, xala yekem ew e ku eşîrên Ereb ên li herêma bakur û rojhilatê Sûriyê di nava pêkhateyên bingehîn û di nava damezrînerên Rêveberiya Xweser de ne û beşdarên şoreşa bakur û rojhilatê Sûriyê ne. Bê guman di navbera eşîran û Rêveberiya Xweser de têkiliyên kûr hene. Eşîran girêdayî Rêveberiya Xweser in û Rêveberiya Xweser girêdayî eşîran e, ji ber ku pêkhateya bakur û rojhilatê Sûriyê hemû yek û yekgirtî ye. Lewma li gorî tiştên ku em dibînin ku tên berdewam kirin, eşîrên Erebî rola xwe di nava rêveberiyê de digirin. Xwe di nava Rêveberiya Xweser de temsîl dike û li ser vê bingehê di nava Rêveberiya Xweser de ye. Eşîret beşek ji Rêveberiya Xweser in, û Rêveberiya Xweser berhema şoreşa eşîrên Ereb û pêkhateyên herêmê bi giştî. Ev e ku xwe rêvebirinê avakir da ku hemû deng û beşên civakê werin temsîl kirin.”
“Bê guman, weke ciwanên bakur û rojhilatê Sûriyê ji destpêka şoreşa 19’ê Tîrmehê ve, ciwanan di pêşengtiya vê şoreşê de roleke pêşeng girtin ser milê xwe. Ciwanan rolekî pêşeng di şoreşê de girtin, bê gûman, ji dest pê kê bi Konfederasyona Xwendekarên Demokratîk. Ciwan rolekî girîng û sereke di şoreşê de girtin, bi taybetî bi amadekirina kadroyên îdarî yên di nava Rêveberiya Xweser de ji dema damezrandina wê ve. Ew ked dan ji bo serkeftina şoreşa bakûr û rojhilatê Sûriyê û serkeftina saziyên wê. Ji ber xwe rêvebirinê encamê şoreşa bakur û rojhilatê Sûriyê û pratîk kirina pîvanên wê. Lewma, ciwanan rolekî sereke di rêveberiya xweser de lîstin. Rolê herî girîng ku ew lîstin, di serî de, xwe birêxistinkirin wek ciwanan, bi xweseriyê ji hemû cûreyên hikumet û desthilatdarî, û rolê xwe yê pêşeng girtin di avakirina civakê de bi rêya saziyên wê. Ciwanan di saziyên din de ji komîn û meclîs heya hemû saziyên rêveberiya xweser, rolekî pêşeng girtin. Ciwan ew in ku di dest pê kê de xwe feda kirin ji bo avakirina rêveberiya xweser. Lewma, ciwanan her tim di nava saziyan de xwe temsîl kir, bi taybetî bi rêya Desteya Ciwan û Werzîşê. Desteya Ciwan û Werzîşê weke rêveberiya xweser ji bo ciwanan tê dest girtin, û karê ciwanan dişopîne û gelek projeyan ji bo ciwanan di nava civatên bakur û rojhilatê Sûriyê de pêşdixe. Nûnerên ciwanan hene, ciwan nêzî sedî sî ne di nava rêveberiya xweser de. Sedî sî ji bo ciwanan, sedî pencî ji bo jin û sedî pencî ji bo tevahî pêkhateyan. Bi kesayetên bi tecrube û zana ku ciwan rolekî sereke di avakirin, parastin û damezrandina rêveberiya xweser de lîst.”
“Komun, di xala yekem de, karekî rêxistinî ye. Karê bingehîn yê ku dikeve ser milê komunê, birêxistinkirina taxê yan jî gund e û komîn jî blokê herî biçûk a rêxistinî ya li bakurê rojhilatê Sûriyê ye. Bê gûman, komîn rolekî girîng dilîze bi amadekirina sazî û nûnerên komîn ji bo taxê bi xwe, ji ber komîn rêveberiya taxê ye. Nûnerên hilbijartî temsîlkarê fikir, proje û planên komînê ne. Ew in ku dengê gelê taxê temsîl dike. Bê guman komîn ji gelek beş pêk tê. Komîteyên komînê hene. Weke komîteya parastinê, komîteya xizmetguzarî, ji bo tişt weke xwarin û mazût, û gelek komîteyên din, weke komîteyê li hevhatin, ku pevçûn di nava komînê de çareser dike û têkiliyên di nav taxê de bi hêz dike.”
