BEHDÎNAN – 9 ciwanên têkoşer ku ji ciwanên Kurd û Ereb pêk tên, bi daxuyaniyeke çapemeniyê ragihandin ku tevlî nava refên gerîla bûne. Ciwanan diyar kirin ku ew ê ji bo azadiya fîzîkî ya Onder APO ê ku derfeta jiyana li ser xeta heqîqetê û parastina mirovahiyê afirandiye têbikoşin û gotin “Ev xeta şehîdên me ye, em ê heta serkeftinê bi vê xetê bimeşin. Weke ciwan em dixwazin bersivê bidin şehîdên xwe, em ê xeyalên wan pêk bînin.”
Ciwananan bang li hemû ciwanan kirin ku tevlî vê meşa azad bibin, tevlî nava refên partiya mirovahiyê bibin û gotin: “Em bang li we dikin ku bi hevrêyên xwe yên li çiyayên azad ên Kurdistanê re mil bi mil bijîn û li dijî faşîzmê êrîşên dewleta Tirk têbikoşin.” Her wiha daxuyani bi ve rengî hat dayin:
Em weke ciwanên apoyî, tevlibuna xwe PKK’ê ya ku bûna partiya mirovatiyê radigihînin
Polîtîkaya qirkirinê ya dewleta faşîst a Tirk a li ser Îmraliyê bê navber berdewam dike. Tevî erdheja dawî ya li Behra Marmarayê û bandora wê ya li girava Îmraliyê, dewleta Tirk a qirker li ser rewşa Rêber Apo agahiyêk nade. Bi giştî têkildarî vê mijarê nêzî 3 sal in ti agahî ji Rêber Apo nehatiye girtin. Li ser vê esasî bi hezaran kes ji bo azadiya fîzîkî ya Rêber APO daketin qadan û tevlî pengava “Ji Rêber Apo re azadî, ji pirsgirêka Kurd re çareserî” li seranserê cihanê bûn.
Divê mirov rastiya PKK’ê ya ku rastiya Rêbertî dide nîşandan baş bizane. Îdeolojî û felsefeya paradîgmaya azadiyê ya Rêbertî çareseriya pirsgirêkên gelên binedst in ku modernîteya kapîtalîst û zîhniyeta wê ya hiyerarşîk, baviksalarî û mêtinger li ser wan tê ferz kirin. Îro ji çar aliyê cîhanê ciwan tevlî vê bîrdozî û alternatîfa Rêber APO ya ku 50 sal in bê navber ji bo jiyanek azad û exlaqî afirandiye, li çiyayên Kurdistanê jiyana azad dijîn.
Dewleta faşîst a Tirk ev 3 sal in bênavber êrîşên xwe li ser van çiyayên azad bi taybetî li Zap, Metîna û Avaşînê didomîne. Çekên qedexe û kîmyewî bi kar tîne. Bi teknolojiya NATO’yê ve bi hezaran leşker şandine ji bo çiyayan dagir bike. Lê belê berxwedana û serkeftina dîrokî ya gerîla a modernîteya demokratîk, nivîsandina destana serkeftinê didomîne. Û herî dawî bi pîrozkirina 45’ê min salvegera Partiya Karkarên Kurdistan li çiyayên Zap û Metîna operasyonên şoreşgerî li dar xist. Di van çalakiyan de bi dehan leşkerên faşîst hatin ceza kirin. Bi van çalakiyan û seqna xwe ve gerîlayên azadiye careke din nîşan didin ku ruhê Apogerî ya fedaî bi ti carî nayê şikenandin.
Xeta ku Rêber APO nîşanê me daye, îradeya kesên ji bo jiyana azad têdikoşin temsîl dike. Ev xeta ku şehîdên me bi vê re meşiyane emê jî heta serkeftinê bimeşin. Em weke ciwan dixwazin bibin bersiv ji şehîdên xwe re, em ê xeyalên wan pêk bînin. Ji bo azadiya fîzîkî ya Rêber APO ku îmkana jiyankirina rast, di xeta heqîqetê û parastina mirovahiyê de afirandiye têdikoşin.
Di sala 46’ê min ya berxwedan û serkeftin ya Partiya Karkerên Kurdistanê de, em diyar dikin ku em ji bo tolhildana şehidên xwe re wek Şehîd Vejin Jiyan, Ozgur Ronî, Rojhat Zilan û Şehîd Erdal Şahin, çek wan li erde nehelin. Ji bo avakirina alternatîfa jiyanekî demokratîk, ji bo mafê jiyana azad tevlî refên azadiyê dibin. Em ê ala PKK’ê hilgirin û li çar aliyên cîhanê hîn bêhtir felsefeya Rêbertî belav bikin û zîhniyeta azad a ku Rêber APO pêşxistiye biafirînin.
Em bang li hemû ciwanan dikin ku tevlî vê meşa azad bibin, tevlî nava refên partiya mirovahiyê bibin, li çiyayên azad ên Kurdistanê li dijî êrîşên faşîst ên dewleta Tirk mil bi mil bi hevrêyên xwe re jiyan bikin û şer bikin. Werin em jiyanek rast, xweşîk û berxwedêr ku qîmetê dide hebûn û rastiya me jiyan bikin.
Bijî Serok APO!
Bê Serok Jiyan Nabe!
Dem Dema Azadiya Rêber Apo ye!
Bijî Partiya Karkarên Kurdistan!
