Leyla Guven; “Ev berxwedan, berxwedan û daxwazên gelê Kurd e. Daxwaza bi mîlyonan kesan e. Ez gelek keyfxweşim ku parçeyek yê vê berxwedanê me. Di jiyanê de ez tu caran evqas keyfxweş û aram. Rêberê gelekî nayê tecrîdkirin, li girtîgehê cezayê disîplînê lê nayê birîn. Ev ji bo me helwesteke şikandina rûmet û şermê ye. Heta tecrî neyê şikandin wê ev berxwedan dewam bike.”
NAVENDA NÛÇEYAN- Greva birçîbûnê ya bêdawî-bêdorveger a Hevseroka KCD û Parlamentera HDP’ê Leyla Guven a ji bo şikandina tecrîda girankirî ya li ser Rêberê Gelan Abdullah Ocalan di roja 81’an de ye. Guven bi rêya Skype bi çalakgerên Starsboûrgê re axivî. Guven çalakgerên li Starasboûrg, Hewlêr û Gallerê silav kir û got; “Her çiqas ez ji zindana Amedê veqetandibim jî heta ku tecrîd neyê şikandin wê çalakiya min bidome.”
Çalakiya Leyla Guven a 7’ê Mijdara 2018’an li zindana Amedê ji bo şikandina tecrîda li ser Rêberê Gelan Abdullah Ocalan dest pê kir, piştî ku Guven hate berdan li mala xwe ya li Amedê çalakiya greva birçîbûnê didomin. Guven şevê din bi rêya Skype bi çalakgerên greva birçîbûnê ya li Strasboûrgê ku 42 roj in di grevê de ne, civiya.
Leyla Guven bi çalakgeran re nêzî 15 deqîqeyan axivî û keyfxweşiya xwe anî ziman. Guven got; “Min xwest 14’ê Tîrmehê li salona dadgehê dest bi grevê bikim lê ji ber ku ez dernexistim dadgehê dereng mam û heta nehigijîm armancên xwe ê çalakiya min bidome.”
‘14’Ê TÎRMEHÊ LI DADGEÊ MIN XWEST LI RÛYÊ WAN BIQÎRIM’
Leyla Guven wiha got; “Silavên girtiyên li zindana Amedê ji çalakgerên Strasboûrgê re hene. Hemû hevalên di berxwedanê de silav li we dikirin. Her çiqas ez ji girtîgeha Amedê ya watedar dûr xistibim jî ez baş im. Silavan li we dikim û we himbêz dikim. Ez hîs dikim ku hûn hemû li gel min in.”
Guven diyar kir ku plana çalakiya greva birçîbûnê berê kiribû û wiha domand; “Min plan dikir ku greva birçîbûnê li girtîgeha Amedê 14’ê Tîrmehê bidim destpêkirin. Di wê dîrokê de rêveberiya girtîgehê ez nebirim dadgehê. Min jî bi nameyekê dest pê kir. Ji ber ku wê dîrokê min dixwest li dijî wan qîr bikim. Erd û esman pê bihese. Lê mixabin nebû ji ber wê jî weke dereng mam.”
‘TECRÎD JI BO ME ŞERM E’
Guven wiha domand; “Armanca me ji nûve zindî kirina ruhê berxwedana 14’ê Tîrmehê bû. Dema li girtîgehê min greva birçîbûnê da destpê kirin hinek hevalan gotin ‘Temenê te dirêj e tu nikarî bikî’. Lê ev 80 roj in ez baş im. Ev jî dide nîşandan ku ev tişt bi emir û fîzîk nabe. Girêdayî bawerî û îradeyê ye. Ev jî dide nîşandan ku ruhê berxwedana 14’ê Tîrmehê dîsan li zindana Amedê derkete holê. Mehmet Tûnç, Asya Yuksel îspata vê berxwedanê ye. Ev jî dide nîşandan ku ev berxwedan û ev ruh hê zindî ye û li ser pêyan e.”
Leyla Guven diyar kir ku nûçeyên li Strasboûrg, Hewlêr û Gallerê gelek moral daye wê û wiha gotinên xwe bi dawî kir; “Ev berxwedan, berxwedan û daxwazên gelê Kurd e. Daxwaza bi mîlyonan kesan e. Ez gelek keyfxweşim ku parçeyek yê vê berxwedanê me. Di jiyanê de ez tu caran evqas keyfxweş û aram. Rêberê gelekî nayê tecrîdkirin, li girtîgehê cezayê disîplînê lê nayê birîn. Ev ji bo me helwesteke şikandina rûmet û şermê ye. Heta tecrî neyê şikandin wê ev berxwedan dewam bike.”
‘EM BI HÊVÎ Û BI BIRYAR IN’
Li ser navê çalakgerên greva birçîbûnê ya Strasboûrgê Gulistan Çiya Îke axivî û got; “Beriya 80’î roj an li mekanê Sara, Kemal, Xeyrî û Mezlûm an we demeke nû ya ruhê 14’ê Tîrmehê da destpêkirin. Em jî bi wê ruhê beirya 41 roj an beşdarî vê berxwedanê bûn. Ev berxwedan bi pêşengiya we û jinan dest pê kir. Bi vê çalakiyê em serbilind in. Hertim tu li gel me bûyî. Me xwest em li vir bibin dengê te û li her çar parçeyên cîhanê were bigihistin. Yek armanceke me heye ew jî şikandina tecrîda li ser Ocalan û azadiya Ocalan e. Bi vê armancê em ketin rê, em bi hêvî û bi biryar in.”
‘NAVÊ TE LEYLA YE’
Dîlek Ocalan jî wiha got; “Ez baweriya te û biryardariya te baş dizanm. Weke jinekî Kurd te pêşengiya berxwedanê kir. Ji ber ku navê te Leyla ye.”
