NAVENDA NÛÇEYAN – Ji aliyê dawleta Tirk a dagirker û hevkarê wê PDK’ê ve, êrîşên bê navber, li ser Herêmên Parastina Medya heye. Li hemberî van êrîşan jî gerîlayên azadiya Kurdistanê bê navber derb lêdixin û berxwedana xwe mezintirîn dikin. Di heman demê de li hemberî van hemû êrîşan bertek û helwestên gel jî derket, bi taybet gelê Başûrê Kurdistanê di vê pêvajoyê de da diyarkirin ku wê li dû rastiyê bin.
Li ser vê bingehê ciwanên welatparêz ên Başûrê Kurdistanê ji bo êrîşên dagirkeriyê ên ser Herêmên Parastina Medya ji ajansa me re axivîn û nirînên xwe yên hember vê pêvajoyê anîn ziman. Ciwanan dan diyarkirin ku divê em ji bo azadiya xwe bertekekê nîşan bidin, ji ber ku bertekên hember dagirkeriyê erkekî netewî ye, divê her kes bikeve nava tevgerê.
Êrîşên dagirkeriyê bi desta PDK’ê tên kirin;
Ciwanê Başûrê Kurdistanê Seywan Hisên li ser şer û dagirkeriya Başûrê Kurdistanê wiha axivî: Ev kurteyek e: Ji sala 1995 ‘an ve dewleta Tirk a dagirker bi artêşeke mezin derbasî Başûrê Kurdistanê bûye û heya niha jî bi desteka PDK’ê êrîş hîn zêdetir bûye. Her roj bi balafiran êrîşî ser çiyayên Kurdistanê dikin, di encama van êrîşan de hem kuştî û hem jî birîndar çêdibin, gund û çiya têne topebaran kirin. Ev êrîş hemû bi desteka PDK’ê û Asayîşa wê ya ji hêzên dagirker û faşîst yê Tirk re ye. Di heman demê de ev êrîş li dijî berjewandiyên kurdin. Hêjayî bi bîrxistinê ye ku biryara yekemîn a Parlamentoya Başûrê Kurdistanê şerê navxweyî bû. li dijî PKK’ê şerek berdewam heye. Ev jî nîşan dide ku xiyanet li Başûrê Kurdistanê di xeta siyasî ya partiyên Başûrê Kurdistanê de pêk tê.
Ciwanê bi navê Seywan got, “Siyaseta Başûrê Kurdistanê rê li ber jiyana rojane û bêwata vekir, ku di bin navê siyasetê de rê li ber koçberî, bêkarî û xwekuştina ciwanan vekir.” Lê divê ciwan li hemberî dagirkeriya wan siyasetê bikin, dîroka xwe baş nas bikin, li hemberî dagirkeriyê hişyar bin û xwedî li welatê xwe derkevin. Em pişta xwe nadin desthilata Kurdên xayîn ji bo firotina welat, ji ber ku destgehên sîxurî yên Başûrê Kurdistanê bi fermî li gel partiyên siyasî, bi bingeh û navendên sîxuriyê kar dikin.
PKK’ê partiya gelê Kurd û hemû Kurdistanê ye, ji mafê wê ye ku li Kurdistanê xebat bike;
Jina ciwan ya bi navê Îman Omîde jî bi vê awayî behsa dagirkariyê kir û got: kurd ji dîrokê ve di nav gelek şer de hatine dabeşkirin û herdem êrîşên ser kurdan li ser parçebûnê hatine çê kirin. kurd û kurdistanê bûne Amerîkayî û hûn dibînin ku ev welat parê kurdane lê ev li gor berjewandiyê polîtîkayên dagirkeriyê tê dabeşkirin û her kes vê li gor dagirkeriya xwe bi kartîne. Em îro dibînin ku PDK’ê di xeta îxanetê de bi israre û alîkariya dagirkeran dike û dagirkirina Kurdistanê ji wan re hêsan dike. Dagirker bi hevkarê xwe PDK’ê re bi hincetên ku PKK’ê êrîş dike û rêxistineke terorîste, şer û êrîşên pir dijwar tînin ser PKK’ê. Ev tenê ji bo ku xwe bidin qebûlkirin dibêjin, PKK’ê partiya gelê kurd û hemû kurdistanê ye, di heman demê de mafê wê jî heye ku li Kurdistanê bixebite. Ev lawaziya rihê welatparêzbûnê di Başûrê Kurdistanê de encamê siyasetên cuda yên ku tê meşandine ye. Dijmin wisa kiriye her kes bi hêsanî dikare dûrî welatê xwe bikeve û koçberî welatê din bibe.
Di heman demê de Îman di nava axaftinên xwe de bal kişand ser mijarên kesayetî yên Başûrê Kurdistanê û da diyarkirin ku, tenê bi nivîsên xwe destek didin Kurdistanê, ji ber ku ciwan bê rol û wate hêştine. Bertekên hemberî dagirkeriyê erkekî netewî ye û divê ragihandinên Başûrê Kurdistanê xizmetî dagirkeriyê neke. Ger wisa dewam bike wê demê dagirkerî dikare bi rihetî êrîşî Başûrê Kurdistanê bike. Wê demê wê li Başûr partiyekî siyasî jî nemîne. Divê ji bo xizmeta gelê kurd û azadiyê ve herkes bikeve nava tevgerê.
