NAVENDA NÛÇEYAN –
Divê ciwanên Kurdistanê li dijî êrîşan rabin ser piyan
Li Herêmên Parastina Medyayê de niha şerekî pir giran tê meşandin. Ev şer şerê hebûn û tinebûnê ye. Arteşa Tirk a dagirker bi hevkariya PDK re êrîşên dijwar li hemberî gerîlayên azadiya Kurdistanê û gelê Kurd dide meşandin. Di van êrîşan de çek û rêbazên ku bikar neaniye, tune ye. Bo mînak çekên kimyawî. Ruxmê ku Dewleta Tirk a dagirker yek ji wan dewletan e, ku peymana li hemberî kar anîna çekên kimyawî imze kirine, dewleta tirk a bêbext her car dema tengbûn jiyan dike dîsa destdiavêje van çekan. Lê di dinyayê de bêdengiyekî mezin li hember van sucên mirohiyê heye. Diyar e ku di vî şerê de Dewleta Tirk û Rejîma faşîst a AKP-MHP li hember berxwedana Gel û Gerîlayên Azadiya Kurdistanê wê hilweşe. Her roj di medya sanal de diyar dibe ku leşkerên Dewleta Tirk a faşîst li hemberî tekoşîna gerîla şikestinek mezin jiyan dikin û di heman demê de bi sedan askerên Dewleta Tirk a faşîst tên cezakirin, çekên xwe diavêjin û direvin. Operasyona bi navê Pençe-Klit ku ji Dewleta Tirk a dagirker hatî destpêkirin tinekirina Tevgera Azadiyê armanc girtiye.
Ji ber Dewleta Tirk û bi taybet jî artêşa wî hêzeke ku ji NATO hatiye avakirin û mezin kirine. DYA û NATO di vî şerî de hêzeke veşartî ya herî mezine, ku ji bo berjewendiyên xwe yên weke Petrolê û hwd dixwaze bikeve nava axa dewlemand a Kurdistanê û xwe li wir de hêzek desthilatdar bidin avakirin. Ji ber li pişta vî şerî de hêza NATO veşartiye di dinyayê ti huquq nasnakin. DYA û NATO bi rêya PDK re li hemberî Gelê Kurd şerekî navxweyî û taybet didin meşandin. PDK partiyekê ku bi destê DYA re hati ye mezin kirin û li ser vê esasê jî hevkariyê bi Dewleta Tirk a dagirker di vî şerî de dike. Hedef û armanca van ev e ku bi destê xayînan weke Mala Barzan Tevgera Azadiya Kurdistanê û piştî vê hemû destkeftiyên Gelê Kurd tine bike û Gelê Kurd ji holê rake. Her cara ku rayedarên PDK diçin Tirkiyê, Dewleta Tirk li dijî Tevgera Azadiya Kurdistanê dest bi êrîşan dike. Lewma tesadufî nîne ku piştî hevdîtina Mesûd Barzanî bi Tayîp Erdogan re û Şewirmendên MITê re Dewleta Tirk li ser Herêmên Parastina Medyayê dest bi erîşan kirin. Tifaqa faşîst a AKP-MHP bi piştgiriya PDK dixwaze Tekoşîna Azadiya Gelê Kurd tasfiye bike. Gelê Kurd li hemû parçeyên Kurdistanê û li her devera ku lê ye ji PDK dixwaze dest ji hevkariya xwe ya bi Dewleta Tirk re berde. Lê belê PDK hîn bêhtir xwe dike parçeyek ji êrîşên dagirkeriyê yên Dewleta Tirk. Bi vî rengî li şûna ku guh bide dengê gelê Kurd. Daxwazên Dewleta Tirk bicih tîne. Ev yek ji Gelê Kurd û dostên gelê Kurd aciz dike û hêrs dike. PDK ji bo ku têkliyê xwe bi Dewleta Tirk re veşêre, bi veşartî hevdîtinan pêktîne, hêzên Dewleta Tirk yên MITê û leşkerî di herêmên başurê Kurdistanê bi dizî bicih dike û leşkerên Dewleta Tirk bi cilên Pêşmergeyan di araziya çiyayên Kurdistanê li hemberî hezên Gerîlayên fedayî şer dide meşandin. Ev xîyanet ku bi destê Mala Barzan û partiya ku xwe weke ya Gelê Kurd û Kurdistanê binav kiriye, li hemberî serkeftina azadiya gelê Kurd û hasreta wan ya welatekî azad di dîroka Kurdan de tu carî sernakeve. Li hemberî çavên hemû mirovahiyê û di hemû rojnameyên netewî de ruyê rast yê PDK derketiye holê. Êdî diyare ku PDK partiyekî durûtiyê dide meşandin. PDK divê baş bizanibe ku bi hilweşandina Tevgera Azadiyê re wê pêşarojekî diyar ya PDKê tune be. Xîyaneta wî jî bê hesab namîne û di roja me ya îro de, ruxmê hemû êrîşên qirêj ku li hemberî Gerîla û Gelê Kurd tên meşandin bê hesab nemane û ji vir şunde jî bê hesab namîne. Bi xîyaneta xwe re PDK û hevkariya wî, Dewleta Tirk, wê hilweşe.
Di vê şerî de divê herî zêde ciwanên şoresger û azadîxwaz xwe berpirsyar bibînin. Li hemberî vê xîyanetê bêdengî mirin e. Kesê ku xwe li hemberî van êrîşên qirêj bê deng bike para wî jî di nava vê xîyanetê de heye. Yê ku dibêje emê Gelê Kurd bin ax bikin, emê ji wan re Kurdistan bikin goristan. Yê ku dibêjin emê Kurdan tune bikin, ewê tune bibin. Zihniyeta faşîst a desthiladar wê xwe bi xwe tine bike. Bê guman çawa ku Gêrîla 40 sal tekoşîyaye, çawa ku di sala 2021 dersekî dîrokî da arteşa tirk, wê li hemberî vê êrîşê jî şerekî mezin bike. Keç u xortên Gelê Kurd ewladên vî gelî, wê li dijî armencên qirkirinê û dagirkeriya Dewleta Tirk bi rengê fedayî li ber xwe bidin. Lê belê ji bona jiyanek azad û demokratîk Gelê Kurd li her parçeyên Kurdistanê bê mîsogerkirin divê ev êrîşên Dewleta Tirk a bêbext bên şikandin ku di dijmintiya li Kurdan de serkêşî dike. Ji bo vê jî divê li hemû parçeyên Kurdistanê Ciwanên me helwestek wisa nîşan bidin ku bi berxwedaniya Gerîla re bibin yek.
