Akademiya Ş. Beritan
Sekn û biryardariya şehîdan mînakên herî rastin. Ji ber wê, milîtanên PKKê ji bo xwe bighînin asta şoreşgertiya wa bi xwe re û bi dijminê xwe re di nava tekoşînek dijwardene. Yek ji wan leheng û pêşengê şoreşa Kurdistanê jî Keça Kurd Bêrîtan e. Keça Kurd a berxwedanvan ji ber tekoşîna wê ya li hember xeta tesfiyeger û îxanetkar a di şerê başûr yê ku di sala 1992’an de pêşeketiye, ji aliyê her kesî ve tê naskirin.
Di vê demê de, li dijî herêmên rêxistinê yên ku ji wan re dihat gotin “eniyên paş yên stargehên gerîlla” ne êrîşên berfireh yên bejayî û yên hewayî tenê pêşxistin. Xebatên artêşbûna jinê piranî di van herêmên stargehê de dihatin meşandin. Di van qadan de hêjmarek zêde milîtanên jin jî cihê xwe digrin.
Reberê APO di nava lêgera vê yekê de ye ku di van herêma de lêhûrbûna jinan çêbike, yekîneyên wa yên parastina cewherî ava bike, di mijara şer de tecrûbe û ezmûnan bide qezenç kirin û li ser vê bingehê jî artêşbûna jinê saz bike.
Di şer de ji yekîneyên parastin û êrîşê yên ARGK’ê heya tevahî herêmên ku têde şer pêşdikevin, jin di nava hewldan û tevlîbûnên mezin deye. Şerê başur ê sala 1992’an herî zêde şerê ku vîna jina Kurd a şoreşger derxist holê bû. Fedekariyên di asta jor de, bi zanistî, bi awayek kûr tê jiyankirin.
Ev sekin herî zêde xwe di yekîneya ku dibin fermandariya Gerîlaya jin Gulnaz Karataş, Bêrîtan de da nîşandan bû. Jina Kurd Bêrîtan, di herêma Xakurkê de li hemberî hemû generalên faşîst ên Tirk û hêzên netewperest ên hov berxwedanek bê hempa dide nîşandan.
Di heman demê de hîn di wê pêvajoyê de dibe nûnera sekin û xeta berxwedanê ya li hemberî xeta teslîmkar a ku xwe bi hevkarî û pozberiyên ku li ser tevgerê dide ferz kirinbû.
Ev şerê berxwedanê bi mehan tê meşandin. Bi ruxmê hemû êrîşên dijwar, ji aliyê gerîlayê PKKê ve berxwedanekê di asta lûtkeyê de tê jiyan kirin. Di heman herêmê de Ferhat ê qaşo dibin navê aştiyê de xwe avêtiye himbêza radestbûnê û xwe weke Rêberê PKK amede dike, binkeftina xwe ya yekemîn li hemberî berxwedaniya jina Kurd Bêrîtan jiyan dike.
Bêrîtan di aliyekê de vê xetê bi awayek herî rast analîze dike û dibêje ‘bi misogerî wê tesfiye bibe.’ Di aliyê din de jî sekin, vîn û tevlîbûna milîtanên jin, weke jinên mîlîtanên Apoyî dema ku pêwîst bike wê çawa xwe îfade bike, di astek herî jor de dide nîşandan.
Di berxwedana ku bi dehan roj dajo de, Bêrîtan a ku paş de gav navêje, di dilê rêhevalên xwe de xwe dixe mînakeke sembolê. Bi vê berxwedaniya xwe Bêrîtan dijmin dixe nava panîk, tirs, matmayînekê û şekandinekê di nav hêzê wî de ava dike.
Li hemberî xeta tesfiyeger, îxanetkar a ku hem ji derve û hem jî di hundir de li ser Tevgera Azadiya Gelê Kurd tê pozber kirin, berxwedana keça Kurd Bêrîtan di meydana şer de vîn, hêz û zanebûna xwe ya cewherî dide nîşadan. Careke din bi dost û dijmin dide zanîn ka milîtaniya Apoyî bi çi rengî ye. Li hemberî hemû bangawazî û pozberiyên radestbûnê heya dawiyê li berxwe dide.
Bi gulleya xwe ya dawiyê re çeka xwe di zinaran de davêje. Li pêş çavê dijmin û li pêşiya rêhevalên xwe, ka gelo berxwedanî xwedî çi rastiyê ye datîne holê û xwe di zinar de diavêje.
Rastiya berxwedanvaniya keça kurd, îdiaya tekoşîn û biryardariya wê ya azadiyê herî zêde di kesayeta gerîlaya jin Bêrîtan de derdikeve holê.
Ev rastiya ku di kesayeta Bêrîtan de derketiye holê, li beramberê hewldanên bi salan yên Rêber APO nûneriya xwe di jinê de dîtiye.
Li ser vî bingehî ew nîşaneya pêşketina xeta fedayîtiyê ye. Artêşbûna jinê fermandarên xwe yên rastîn girtiye. Êdî keçên Kurd di şer de divê çi xetê esas bigrin, şêwazê şerekê bi çi rengî pêwîste ku esas were girtin, di kesayeta Keça Kurd Bêrîtan de bi awayek zelal dertê holê.
Akademiya Ş. Bêrîtan jî weke meskenê vî ruhê fedayî û mînaka fermandariya jinan tê dîtin û li ser vê esasê dest bi xebatên xwe dike.
Akademiya Şehît Bêrîtan li Herêmên Parastina Medyayê, di sala 2004’an de dest bi perwerdeya xwe dike.
Di sala 2003’an de li hemberî xeta berxwedana gelê Kurt a bi rûmet û azadiya jinê, xeta êrîşkar û tesfiyeger tê pêşxistin. Lê li hember vê yekê Rêber APO, her tim pêdiviyên ku divê berxwedana Keça Kurt Bêrîtan bê rojane kirin diyar dike û di van salan de her timî kesayeta rehavalê xwe yê tekoşînê Kemal Pîr û Bêrîtan bilêv dike.
Akademiye Ş. Bêrîtan a ku rolek girîng girtiye ser milê xwe, li Herêmên Parastina Medyayê, nîşaneya sekn û tekoşîna Jina Kurd Bêrîtane…
