KOBANÊ- Li bajarokê Şiyox Jêrîn li ser berava rojhilatê çemê Firatê bakurê Sûriyê, hate ragihandin ku artêşa Tirk a dagirker û çeteyên wê yên ku li gundewarê bajarê Cerablusê bi cih bûne, îro gundê El-Ewasî yê girêdayî bajarokê Şiyox Jêrîn topbaran dikin. El-Ewasî bi 2 km li başûrê bajarokê ye û bi 35 km li rojavayê bajarê Kobanê ye.
Hate teqez kirin ku 6 fuze heta niha li gund û derdora wê ketine. Ev êrîş ji herêmên bin serweriya dagirkeriya Tirkli nêzî bajarê Cerablusê yê dagirkirî tê. Her wiha di hefteyekê de ev cara sêyemîn e ku bajarokê Şiyox Jêrîn tê hedefgirtin.
Heta niha ti windahî çênebûn. Tenê zirarên madî bi milkên şêniyan çêbû. Ji ber bombebaranê di rojên derbasbûyî de agir bi zeviyan ketibû.
Topbaran dem demê berdewam e.
