NAVENDA NÛÇEYAN
Yekemîn Konferansa Ciwanên Rojhilata Navîn di sala 2015’an de di pêşengiya ciwanên kurdistanê de li Amed’ê pêk hatibû. Duyemîn jî li axa şoreşê Rojava’yê, di ser de jî li Kobanê’ya ku li dijî faşîzm û paşverûtiyê bûye ala berxwedanê hate li dar xistin. Rêbertî PKK wekî tevgerekî ciwanan pênase dike û dibêje pêwîste ciwan ji şoreşê re pêşengî bike. Rastî jî keda Rêbertî ya ku ji bo pêşxistina ciwanan da seyra dîrokê guhertiye. Ciwanên Kurdistanê di her wateyê de hewl daye ku bi bîrdoziya Rêbertî ji bangawaziya Rêbertî re bibe bersiv.
Ewqas dewletên mezin paş de berdana çek, tank, balafir û heta gelê xwe ve ji DAÎŞ’ê reviyan, lê Ciwanên Apoyî bi derfetên xwe yên sînordar li dijî DAÎŞ’ê ketîn sîperan. Konferansa Ciwanên Rojhilata Navîn encama vê hewldana şoreşgeriyê ye.Tevgera Apoyî ku dewletên hegemonîk xwestin di axa wî de ew tune bikin, bersiva herî mezin bi şoreşa xwe ya ku di destpêkê de çar parçe Kurdistanê, piştre jî Rojhilata Navîn belavkir da û binneketina xwe teqez kir.
Şerê Sêyemîn a Cihanê bi hemû tundîtiya xwe berdewam dike û hesretên gelan di vê pêvajoyê ser û bin bûnê zêdetirî tê rojevê. Rêbertî hêj di destpêka pêvajoyê de bi gotina “Ne bihara Ereban e, Bihara Gelan e. Navendê wî jî Kurdistan e” ve rêya ku Tevgera Apoyî bişopîne diyar kiribû. Îro şoreşa Rojava ya ku bi navendiya Kurdistanê ye, bûye hêviya di tevahî Suriye û piştre jî Rojhilata Navîn. Di destpêkê de ciwanên Ereb, Suryan û yên gelên din bi mildana ciwanên şoreşger ên Kurd ve li dijî faşizm û paşverutiyê, bi hemû bedelên xwe ve şerekî bêhempa dide. PKK ya ku bi çekekî li dijî qirkirina li ser gelê Kurdistanê destpê berxwedanê kir, îro bi hemû kadroyên xwe yên fedaî ve bûye hêza pêşeng a Şoreşa Rojhilata Navîn. Bi deh hezaran ciwan bi pratîkê ve bîrdoziya Rêber Apo nasdike. Axên Bakurê Suriye ya ku demekî bibû sembola hovîtî û paşverûtiyê îro anîne rewşekî axên şoreşa civakî ya mezin. Bi vê halê xwe Şoreşa Rojava bûye hêvî û meşala ji her lêgerîna demokrasiya li Rojhilata Navîn.
Ji her gelên ku bûne qurbaniya paşverûtiya Rojhilata Navîn jinên ciwan tên bi partiya şoreşê PKK’ê re têkîlî datînin. Îro ji Asya heya Ewrûpa, ji Ewrûpa heya Emarîkayê, ji Emerîka heya Afrîkayê hemû cihan berxwedana lehengî ya jînên Kurd li dijî DAÎŞ’ê û paşverûtiya serdestiya zilam diaxive.Xwe di şoreşa Rojava ya ku bi ked û hêza jinê ve li dijî ferasetên ku jinê biçûk û ketî dibîne hatiye parastin dibîne. Jinên Bakurê Suriye ya ku di destpêkê de ji aliyê pergala serdestiya zilam ve hatibû kolekirin û heta di nav çarşefekî de derketina derve jî hatibû qedexekirin, îro di destpêkê de di nav artêşa şoreşê de, di her saziyan de bi mêran re jiyanekî wekhew ava dike. Ked û têkoşîna Rêbertî a 40 salan ji jina Rojhilata Navîn re dizivire azadî û aramiyê. Dema wisa dibe jinên ciwan li her derê cihanê de ji şoreşa Rojava bandor dibin, ev ji bo belavbûna şoreşê dibe gavê yekem û herî girîng. Gavên yekem ên şoreşên mezin her tim bûne gavên girîng. Di dîroka şoreşa kurdistanê de jî ev rewş wisa ye.
Di vê milê de Konferansa Ciwanên Rojhilata Navîn gelek girîng e. Ji gelek welatan ciwan hatin û pirsgirekin Rojhilata Navîn û çareseriyên wî nîqaş kirin, ceribandinên xwe parve kirin. Şoreşe Rojava di destpêkê de Şoreşa Ciwanan e. Ger bi deh hezaran ciwan bi tunekirina sînoran ji parastin û rêxistinkirina şoreşa Rojava re nebeziyana niha me nedikariya behsa Şoreşa Rojava bikira. Wek Şoreşgerên Enternasyonalîst Paramaz û Îvana ji her aliyê cihanê ve hatin bûn militana şoreşa gelên Bakur û Rojhilata Suriye’yê. Di vê milê de pêkanîna Konferansa Ciwanên Rojhilata Navîn li Kobanê dîrokiye. Çawa ku fedaîtiya Apoyî şoreşa kul i Bakur destpêkir ber bi Rojava û Bakurê Suriye yê ve belavkiribe, wê wisa jî belavê her parçeya Rojhilata Navîn bike.
Nurhak Amanos
