NAVENDA NÛÇEYAN
Di dema salvegera 21’mîn a Komploya navdewletî de jî li ser Rêber Apo tecrîdekî girankirî tê meşandin û hê jî didome Her çiqas komplo vala hatibe derxistin jî, hêzên hegemonîk û qereqolê wan dewleta faşîst a Tirk bi komployên nû dixwaze armanc û xeyalên xwe yên 40 salan a tesfiyekirina Tevgera Azadiyê û tunekirina Gelê Kurd pêk bîne. Di vê mijarê de tecrîdkirina Rêber Apo ji bo vê armancê destpêkeke.
Tê zanîn lê dijî ve tecrîdê girankirî, di pêşengiya Hevsoroka KCD’ê Leyla Guven de li zindanan, li çar perçeyên Kurdistan û li derveyî welat 101 roje berxwedanekî bêhempa ya grevên birçîbûnê didom e. Di encama vê berxwedanê de di roja 65’mîn de bi şandina li Îmraliyê birayê Rêber Apo Mehmet Ocalan hevdîtinekî 20 deqqeyan pêk anî bû. Remzên vê hevdîtinê ji bo fêmkirina vê pêvajoyê pir girînge. Rast e, Rêber Apo di hevdîtinê de neaxîvibû û tewrek danîbû holê. Lê li gor agahiyên ku hatine parvekirin, Rêber Apo di hevdîtinê de bi hevokekî dîrokî pêvajo û tecrîdê raxistibû ber çavan.
Belê, çi bû ev hevok? Rêber Apo di hevdîtinê de digot “Ne tenê ez hûn hemû di nav tecrîdekî de ne”. Ev gotin Bi tenê serê xwe pêvajoyê dianî ziman. Jixwe Rêberê Gelan ti carî ji xwe re wek kesayetekî nêz nebibû. Ew ne wek Apoyekî wek îradeya mîlyonan, wek Rêberê Gelan Abdullah Ocalan hatibû rehîn girtin.
Jiyana 20 sala dawiyê bi vê komplo û tecrîdê re girêdayiye. Piştê ku tecrîd 2015 an de hêj zêdetir hat girankirin di destpêkê de li Îmraliyê destpêkir û pêl bi pêl belavê hemû qadan bû. Belê, wisa ye em wek gel, jin û ciwan çawa di nav tecrîdekî de ne ku Rêber Apo pênase kir. Niha mirov binêre piştê ku dewleta dagirker a Tirk şer da destpêkirin li her derê dorpêçkirinekê mezin pêk hat. Li Kurdistanê mirov biçe kîjan bajarê bi dehan noqteyên kontrolê rast tê. Dîsa di nav bajar, navçe, gund û taxan de bi sedan qereqolên dagirkeriyê ku bi bloqên betonanan ve hatiye parastin rast tê. Di nav bajaran de wekî ku derbeyek çêbûye di her gav de rastê wesayîtên zirxî, polîsên sîvîl, tîmên taybet, rast tê. Rojê du sê caran rastê lêpirsîna GBT û nasnameyê tê. Derdorên saziyên Kurdan û demokratan hatine dorpêçkirin, malên welatparêzan hatiye dorpêçkirin. Ev hemû nîşaneya ku tecrîd ya rast li ser me tê meşandinê ye.
Mînakekî din a herî şênber jî di vê hefteyê de di çalakiyên ji bo Leyla Guven hatin li dar xistin û her wiha di çalakiyên li dijî tecrîd û komployê pêk hat de mirov dikare bibîne. Dîmenên ku hatine parvekirin de nîşan dide ku em di nav tecrîdekî çawa de ne. Dema wekîlên HDP’ê li Stenbolê xwestin bimeşin, bi hezaran polîs derdorê wan dorpêç kirin. Dîsa li Amed’ê gelek caran dewleta dagirker bi sedan polîsên bi çek ve çalakvanan dixe di nav dorpêçekî. Li Colemêrg, Wan, Bedlîs, Muş, Agirî, Riha, Mêrdîn û Êlihê jî bi dîmenên wisa re em rast hatin. Ne tenê li bakurê Kurdistan û Tirkiyeyê di heman demê de li başûrê Kurdistan, li Hewlêr, Silêmaniye, Mexmûr û Rojhilata Kurdistanê de jî dîmenên wisa derketin holê. Ango ev tecrîd him ji aliyê neyarê Kurdan û him jî hevkarên wan ên wek PDK û YNK ve jî tê meşandin. Li Ewrûpa jî me van dîmenan dît. Polîsên Elman û Fransî ku herî hêza mezin ê Ewrûpa tên hesibandin di meşa dirêj a ciwanan de çawa dorpêçek pêkanîbûn û êrîş kirin hate dîtin.
Vaye ev dîmenên ku hatine parvekirin nîşaneya tecrîda ku Rêber Apo digot “Hûn di nav tecrîdê ne” ye. Rast e li Îmraliyê tecrîda herî mezin tê meşandin û Rêber Apo jî 20 sale li dijî vê tecrîda giran berxwedanekî bêhempa nîşan dide. Lê ev tecrîd bi mînakên ku me jorê jî anî ziman di heman demê de li ser Gelê Kurd, liser Ciwanên Kurd û li ser Jinên Kurd jî tê meşandin. Wisa ye pêwîste li dijî vê tecrîda topyekûn, berxwedanekî topyekûn were nîşandan. Pêwîste em nîşan bidin ku ji yek heya mîlyonan çawa li dijî vê tecrîdê berxwedanekî topyekûn nîşan didin. Tecrûbeya têkoşîna 40 salê û perspektîf û peyamên Rêber Apo nîşana/ê me dide ku tecrîda topyekûn bi tenê Serî Hildanekî topyekûn tê têkbirin.
Hamza MUNZUR
