Koordînasyona komalên ciwan boneya salvegera komploya 15’ê Sibatê daxuyaniyek weşand û bang li hemû ciwanan kir ku li dijî tecrîdê her derê bikin qada serhildanê.
NAVENDA NÛÇEYAN- Koordînasyona komalên ciwan boneya salvegera komploya 15’ê Sibatê daxuyaniyek weşand û bang li hemû ciwanan kir ku li dijî tecrîdê her derê bikin qada serhildanê.
Her wiha Komalên Ciwan got; ” Ji Bakur heya Başûr, ji Rojava heya Rojhilat, ji Ewrûpa heya Cihanê pêwîste hemû ciwanên Kurdistanê di vê pêvajoya dîrokî de rabe serpiyan, derkeve kolanan, rabe serhildanê. Êdî pêwîste ciwan li dijî her cure zextên li ser gelê me bêdeng nemîne serî netewîne, qebul neke. Wekî Rêbertiya me jî got ‘ciwanên ku dilê wan bi eşqa azadiyê ve lêdixe kes nikare bide sekinandin’ heya êrîşên faşîzmê bidin sekinandin û perçe bikin pêwîste tu ciwan nesekine, guhdar neke, tiştekî din nefikire.”
Daxuyanî wiha berdewam dike:
“Wek Ciwanên Kurdistanê êdî li dijî pergala tecrîd û îşkenceyê sebra me nema ye”
Di demekî ku em dikevin Salvegera 21’mîn a Komploya Navdewletî ya 15’ê Sibatê , em hemû hêzên ku di nav komployê de cih girtine bi hêrs û nefret lanet dikin, Şehîdên leheng a ku bi şiyara “Hûn nikarin Roja me tarî bikin” ve li derdora Rêbertî xwe kirine xelekek ji agir bi mînet û rêzdarî bibîrtînin. Wekî hemû gelê me û Ciwanên Kurdistanê jî ji nêz ve dişopîne tecrîda ku hilberîna komploya li ser Rêbertiya me ye ev 20 sale bênavber bi hovitiyek mezin tê domandin. Di dawîya sala 20’mîn de wek Ciwanên Kurdistanê êdî li dijî pergala tecrîd û îşkenceyê sebra me nema ye.
Dem dema êrîşên li dijî Rêber Apo’ya ku bûye sembola azadî, rumet, vîna berxwedana Kurdan şikandinê ye. Dem dema bi berxwedanê poşmankirina ji kirinên komplogerên neyarên Kurdan û hilweşandana pergala tecrîd û îşkenceyê ye.”
Em wek Ciwanên Apoyî yê Kurdistanê bibin xewnereşka hemû hêzên paşverû
Di demekî ku em dikevin salvegera 21’mîn ya komploya nawdewletî ku ji her demê bêhtir me hersa û kîna xwe tûj kiriye, têkoşîn û berxwedana şoreşgerî jî evqas tûj bûye, ev rastiyeke. Hêzên hegemonîk û faşîst ên ku ji vê hêrs û kînê ditirsin ketina nav hewldanên komployên nû. Minaka biryara 6’ê Mijdarê ya DYA’yê ku li ser kadroyên pêşeng ê PKK’ê girtiye delîla herî şenber e. Di salvegera 21’mîn komploya nawdewletî de em wek ciwanên Apoyî yê Kurdistanê diyar dikin ku ji bo bi giştî komplo were parçekirin em ê li her derê di nav çalakiyên bênavber de bibin. Gumana kesî nebe ku wek Ciwanên Apo’yî em ê bi hîskirin û layikbûnê rola xwe ya pêşengî ve bibin xewnereşka hemû hêzên paşverû û faşîstan.
Ciwanên Apo’yî yê ku deng û ronahî derdixe ye
Dema Rêbertiya me faşîzmê dinirxîne dibêje “Faşîzm herî ku zêde ditirse ronahî û roni ye”. Faşîzm jî îro herî zêde yê ku ronahî û deng derdixin re êrîş dike. Di van êrîşan ve dikeve xefleta ku bikaribe bitepsîne. Lê em ji pratîkên salên çûyî jî dibînin di dema herî zêde êrîş kiriye jî de Ciwanên Apo’yî her tim karibûye bibe ronahî û bûye yê ku herî dengê xwe bilind kiriye. Bi bûyina li derdora Rêbertî ji xelekekî ji agir ve kariye tarîtiyî veguherîne ronahiyê. Bi çalakiyên xwe ve bûye dengê wîjdan û îsyana derdorên bindest.
Ciwanên Kurdistanê, berdela wî çi dibe bila bibe wê kevneşopiya xwe ya berxwedanê bidomîn e
Îro rejîma faşîst a TC’ê û şefê wî ya faşîst Erdogan ji ber ku hatiye ber bin ketineke mezin êrîşa xwe dijwartir dike. Em ji ceribandinên berê ya dîrokê jî dibînin ku hemû hêzên faşîst û dîktator dema dikeve ber binketineke mezin êrîşên xwe zêdetir dike. Di qasê ku ciwan bûne deng û ronahî di vê qasê faşîzm tirsiyaye û gav paş ve avêtîye. Îro di serî de li zindanan li her derê welatê me de li dijî tecrîda li ser Rêberê me û Kurdistanê berxwedanekî fedaî ya mirinane tê jiyîn. Ev berxwedanan wek bûyîna deng û ronahiya li dijî êrîşan derketiye holê. Di şertên heyî de bloka faşîst a AKP-MHP’ê hatiye ber binketinekî dîrokî. Wek Ciwanên Kurdistanê erka me ya herî girîng ew e ku berdela wî çi dibe bila bibe ji bo layikbûna ji Mehmet Tuncan bigire heya Leyla Guvenan berdewamkirina xeta berxwedanê û pêşengiyê ku şimaka herî mezin li faşîzmê bixe domandine.
Em ê cihanekî bê Rêbertî di serê wan de hilweşînin
Em xwediyê hêrs û kînekî mezin in. Ev hêrs û kîna me têrî dike ku di xwîna ku ji aliyê faşîzmê ve hatiye herikandin de hemû hêzên faşîst û paşverû biheniqîne. Bes ku em wek ciwanên Kurdistanê erk û berpirsiyartiyê xwe ji kûr ve hîsbikin û bijîn. Di vê binyadê de banga me ji Ciwanên kurdistanê re ew e ku: “Qirîna Leyla Guven û berxwêderên greva birçîbûnê vexwendina berxwedaneke topyekun e. Pêwîste bi vînekî mezin girêdayê azadiyê bibin. Tilîliya nirxên ku mirov dike mirov e. Ji Bakur heya Başûr, ji Rojava heya Rojhilat, ji Ewrûpa heya Cihanê pêwîste hemû ciwanên Kurdistanê di vê pêvajoya dîrokî de rabe serpiyan, derkeve kolanan, rabe serhildanê. Êdî pêwîste ciwan li dijî her cure zextên li ser gelê me bêdeng nemîne serî netewîne, qebul neke. Wekî Rêbertiya me jî got ‘ciwanên ku dilê wan bi eşqa azadiyê ve lêdixe kes nikare bide sekinandin’ heya êrîşên faşîzmê bidin sekinandin û perçe bikin pêwîste tu ciwan nesekine, guhdar neke, tiştekî din nefikire. Di pêşengiya vê berxwedanê de dost dijmîn jî bibîne ku ‘Em ê cihanekî bê Rêbertî di serê wan de hilweşînin’. An em ê bi Rêbertî re jiyanekî azad bijîn anjî amê nejîn û nedin jiyandin.
Di vê binyadê de em carekî din bang li hemû ciwanên Kurdistanê dikin ‘Ji bo tecrîdê bişkînin, faşîzmê birûxînin, Kurdistanê azad bikin SERÎ HILDE’ ve her derê bikin qada serhildanê.
