“Xwezî xeynî rihê min tiştekî min din hebûya ku min ji bo wî bida”
NAVENDA NÛÇEYAN- Tecrîta ku li ser Serokê Gelan Birêz Abdullah Ocalan tê kirin di serî de Gelê Kurd ji aliyê tu gelî ve nehate pejirandin. Bi girêdayî vê çalakiya bi navê “Kes nikare rojame tarî bike” destpê kirin û Nesrîn Teke jî beşdarî çalakiyê bibû û tiştên ku derbarê çalakiyê de gotibû jî wek wê rojê di bîra me de ye. bi gotina “Xwezî xeynî rihê min tiştekî min din hebûya ku min ji bo wî bida” çalakiya Nesrîn’ê dîsa anîbû ber çava ku Serokê Gelan Abdullah Ocalan vîna gelan e.
Di sala 2000’an de dema tu agahî ji Serokê Gelan Abdullah Ocalan nedihat girtin û li hember vê yek jî ya ku agir berda bedena xwe Nûnera Kovara Ozgur Halk’ê ya Amedê Nesrîn Teke bû. Nesrin Teke ya ku 2 Pûşber 2000’an de agir berda bedena xwe girêdana wê ya Abdullah Ocalan ji dibistana seretayî de destpê dike. Bi saya Kovara Dîrîlîş (Raperîn) PKK’ê nas dike. 13 sali ya xwe heya 19 salî dibe her dem di çalakiya de pêşiyê de cih digire. Nesrîn hêj 18 salî bû nûnertiya Kovara Ozgur Halk’ê ya Amedê dike.
Jina ku kulm avête polêsê JITEM’ê ên dagirker
Nesrînê ji xwe re di hêla bîrdoziyê de xemilandin hedef girtibû. Dema dayîka wê di çentê wê de wêneyê Leyla Qasim’ê dibîne gazinê xwe lê dike lê Nesrîn vê bersivê dide dayîka xwe b ehsa wateya “mezinbûnê” dike û dibêje ” Dema tu mezin bî tu yê bizanî ku pêwîste van kovara bixwînim. Ez derheqa temen de behsa bezinbûnê nakim. Behsa mezinbûna hêla raman û birdoziyê dikim. Çalakiya Nesrîn’ê nîşanî me kir ku Nesrîn êdî di hêla bîrdoziyê de mezin bû ye. Jinên Kurdistanê yên ciwan êdî xwe anîne asta ku agir ve dileyîzin. Nesrînê vîna jina Kurd careke din danî ber çava û agirê ku vêxist ve agirê berxwedanê geş kir.
Nesrîn dema ku navçeya Amed’ê Sur’ê jiyan dikir du gerîlayê ku hatine taxê tên înfaz kirin û polêsê dagirker wek pîrozbahî qêrînê serkeftinê diavêjin li hember vê Nesrîn îsyan dike û sê roja di odeya xwe de şîn girê dide. Wê demê hêj 15 salî bûye û dibistana lîseyê pola duyemîn de mêze dike ku hevalên wê di baxçeyê dibistanê de tên binçav kirin jina ku kulm li polêsê JITEM’ê yê dagirker dixe bîrê de cih digire. Nesrîn a ku wêrekî ya xwe di aqil de hatiye kolan dema di nav agir de reqs dike jî wêrekiya xwe û rastiya jina Kurd careke din raxiste ber çava. Nesrîn a ku ji bo jina Kurd hebûna herî xweşik bi berxwedanê ve afirand wek jina hêvî û agir di hişê me de hate kolan.
“Me ne dîdît bû çavê me. Me ne bihîst bû guhê me. Me nikarîbû biaxivin bû zimanê me û dengê me.”
Nesrînê perwerdeya xwe ya Lîseyê bi serkeftî qedand. Dema amadekariya azmûnê zanîngehê dibû nûnertiya Kovara Ozgur Halk’ê ya Amedê dike. Nesrîn hêrsa xwe ya ku teslîm kirina Serokê Gelan Abdullah Ocalan ya Tirkiyê, piştî komployê rewşa tecrîtê, pirsgirêk ên tenduristiyê bi malbata xwe re parve dike û dibêje ” Me ne dîdît bû çavê me. Me ne bihîst bû guhê me. Me nikarîbû biaxivin bû zimanê me û dengê me. Çawa dibe ku dibêjin bi Serokatî re nikarin hevdîtinê bikin.”
Piştî van qîrîna agir berdide bedena xwe û dirûşmê “Bijî PKK”, “Bijî Serok Apo” û ” Kes nikare roja me tarî bike” diavêje û bi agir ve bedena xwe û berxwedana xwe pîroz dike. Dayika wê, bavê wê û birayê wê piçûk dengê dirûşma dibihîzin û têne odeyê, hewl didin ku agir vemirînin lê Nesrîn destûrê nade. Agirê ku vêdixe dibe ava giyanê û diherike nava gel.
“Ez tişta ku xistiye hişê xwe dikim”
Nesrînê radikin nexweşxane ya Zanîngeha Dîcleyê ya Amedê û polêsekî dagirker bernavkê wî “Hestî Şikêner” dibêje “Te yê ev jî bikira Nesrîn Xanim” Nesrîn’a ku ev çalakiya fedayî ya hişê dijmin hilnade kir bersiva wê jî “Ez tişta ku xistiye hişê xwe dikim.” Tişta ketiye hiş vê têkoşînê gihandina serkeftinê ye. Jinên ciwan ên canfîda û ciwan ên Kurdistanê wê xwedî bîranîna rêhevala Nesrîn derkevin û agirê ku vêxistiye li çiyayê azad bilind bikin.
Nesrîn dibe jina agir û hêviyê
28 rojê tedawiyê de hevdîtin pêk tên û Serokê Gelan Abdullah Ocalan bi parezeran ve nameyekî ji Nesrîn’ê re dişîne. Û Serokê Gelan di nameyê de Nesrîn’ê silav dike lê ragihandiye ku çalakiya wê teswîp nake û xelet dibîne. Li ser vê Nesrîn bersiva nameya wî dide û dibêje ” Silavên wî ez gelek dilşad kirim. Lê xeynî agir berdana bedena xwe tu vebijarkeke min tine bû. Xwezî xeynî rihê min tiştekî min din hebûya ku min ji bo wî bida.” Giyanê wêdetir çiyê mirovekî heye ku feda bike? Ev jî têra Nesrînê nake. Girêdana wê ya Serokê Gelan Abdullah Ocalan ne bedena wê ne jî agirê berxwedanê hilnayê. Nesrîn dibe jina agir û hêviyê!
Di dawiya roja 28’an de rewşa Nesrîn’ê ber bi başiyê diçe lê ji nîşka ve hildidin emeliyatê û di 29’ê Pûşper’ê de jiyana xwe ji dest da. Nesrîn beriya mirina xwe cara dawî strana ” Tu gulî ka bêhna te, dar î ka siya te, welatê min Kurdistan ka li kuderê ye” ji bavê xwe dixwaze ku bibêje . Nesrîn di dilê wê de evîna Kurdistanê û bi girêdana Serokê Gelan Abdullah Ocalan ve ber bi bêdawitiyê dimeşe. Nesrîn a ku di dilê xwe de bi evîna xwe ve diçe soza serkeftinê yê li paş xwe re dihêle. Dibe rêhevala Çaran, Zilanan, Semayan. Dibe rêhevala yê ku rihê xwe tev li welatê xwe kirin. Nesrîn dibe jina agir û hêviyê.
