MEXMÛR- 3’yemîn Kongreya Tevgera Ciwanên Mexmûrê ku bi dirûşmeya ‘Bi rûhê ciwanên Apoyî em ê banga aştî û civaka demokratîk serbixin’ hat lidarxistin, bidawî bû. Kongreyê piştî nîvro bi xwendina raporên du salan yên Tevgera Ciwanên Mexmûr (TCM) û Meclîsa Jinên Ciwan ên Mexmûr her wiha nirxandinên rewşa Rêbertî û siyasî, rewşa rêxistinî û kar û xebatan dewam kir.
Piştî wê rêzikneme, pêşnûme biryar, hilbijartina Hevserokê nû û herî dawî jî encamname hat xwendin. Hevseroka Meclîsa Ciwanên Demokratîk a Mexmûrê Sîpan Yaman û Dilvîn Kaya hatin hilbijartin. Piştî hilbijartina Hevserokan kesên ku hatine hilbijartin ji bo meşandina kar û xebatên du salên pêş sond xwarin.
Herî dawî jî Kongre bi xwendina encamnameyê bi dawî bû.
TIŞTÊN KU DI ENCAMNAMEYÊ DE DERKETIN PÊŞ
Di encamnaeyê de kongre di serî de diyarî Rêber Apo û Şehîd Çiya, Şehîd Rohat, Şehîd Bêrîtan û Şehîd Ronî hat kirin.
Encamnameyê ev tişt hatin parvekirin:
*Kongrê biryar sitend kû ji neha şûnde ciwanên wargehê xwe bi şêwaz û navê Meclîsa Ciwanên Demokratîk a Mexmûr xwe rêxistin bike.
* Em ê hemû kar û xebatên xwe li ser bingehê mîsogerkirina azadiya fîzîkî ya Rêber Apo bimeşînin.
* Em diyar dikin ku bi banga Rêber Apo ya aştî û civaka demokratîk xwedî derkevin û teqez pevajoyê ser bixin.
* Wek ciwanên şoreşger em ê li peyama Rêber Apo ya bi rêxistinî bin û derdorê xwe rexistin kirinê ji xwe re esas bigirin û di vê çarçovêyê de bibin heza dînamîk a pevajoyê.
Li ser vî esasî em ê xwe di her komîn û saziyên rexistinî de rêxistin bikin û bibin nûnerên banga aştî û civaka demokratik yên vê demê. Tekane rêbazê xwe û derdorên xwe rast rêxistin kirin û herikandinê, wê bi rêxistinkirina ciwanan a bi pêşengtiya civaka exlaqî û polîtîk pêk were. Bi rêxistin bûyîna xwe ve emê li gorî şert û mercên berbiçav, rêxistinbûnên cewherî yên dem dirêj û watedartir ku guherbar ava bikin. Bi rêxistinkirina her ciwanî ve emê bersiva herî tund a dinamîzma ciwantî bidin pergala kujerên kastîk. Ev yek wê bibe bersiva dîrokî ya li dijî hişmendiya desthilatdariyê.
* Di pevajoya heyî de em lewaz man û di pozîsyona rexnedayînê de ne. Ji bo derbaskirin û bûna hevrêyên Rêber Apo yên rast bi wesîleya kongreya me lidarxistî, em didin diyarkirin ku yek ji karê me yê sereke ye di vê pevajoyê de ku em wek ciwan bê rawestan xwe di wî warî de xurt bikin.
* Heya misogerkirina azadiya fîzîkî ya Rêber Apo pêk bînin, nesekinin.
Di dawiya encamnaeyê de wiha hat gotin: “Li ser vî esasî wek Meclîsa Ciwanên Demokratîk a Mexmûr û Meclisa Jinên Ciwan ên Mexmûrê em ê li dijî polîtîkayên şerê taybêt yên ku xizmeta modernîteya kapîtalîst dikin, tekoşîna xwe xurtir bikin û bibin hêza herî dînamîk a pêngava aştî û civaka demokratîk.”
Kongre bi berzkirina dirûşmeyên “Bijî Serok Apo”, “Ciwan fedaiyê Rêber Apo ye” û “Jin Jiyan Azadî” bi dawî bû.
