REQA – Kombûyîna Jinên Zenebuya li Reqayê daxuyaniyek çapemeniyê da û êrîşên çeteyên Heyet Tehrîr el-Şam (HTŞ) yên li ser gelê Kurd ê li taxên Eşrefiye û Şêxmeqsûd ên Helebê hedef girtin şermezar kir. Kmbûyîn, êrîş wekî “dorpêçek barbar û nemirovane” bi nav kir.
Di êrîşên ku duh dest pê kirin de kesekî şehîd ket, bi dehan kes birîndar bûn û tax di bin dorpêçê de ne. Civaka Jinên Zenebuya di daxuyaniya xwe de diyar kir, “Zêdetirî 300,000 sivîlên ku li taxên Eşrefiye û Şêxmeqsûd dijîn ji ber êrîşên bi çekên giran û nebûna pêdiviyên bingehîn bi krîzeke mirovî ya mezin re rû bi rû ne.”
Daxuyaniyek ku li ser navê komê hat weşandin ev tişt dihewîne:
“Sivîlên wir bi çekên giran û çekên makîneyî têne hedefgirtin. Ev ji her alî ve sûcekî şer e û sûcekî mirovî yê bi tevahî ye. Divê civaka navneteweyî û rêxistinên mafên mirovan li dijî vê rewşa xirab tavilê tedbîran bigirin.”
Kombûyîna Jinên Zenebuya bang li civaka navneteweyî kir ku bêdengiya xwe bişkînin û tekez li ser hevgirtina xwe ya bi sivîlên di bin dorpêçê de kir:
“Em bi tevahî bi gelê xwe yê dorpêçkirî yê li Şêxmeqsûd û Eşrefiyê re hevgirtinek nîşan didin. Em ê têkoşîna xwe ji bo avakirina welatekî azad, ewle û dadperwer bidomînin.”
Daxuyaniyê tekez kir ku bi taybetî jin û zarok bedela herî giran a şer didin û daxwaza vekirina bilez a korîdorên mirovî kir.
