TEBQA – Komîteya Xweparastinê ya Tevgera Ciwanên Şoreşger ên Tebqayê, di çarçoveya xebatê xwe yên ji bo misogerkirina ewlehî û aramiya civakê de, li taxan û li deriyên bajêr dewriyeyên ewlehiyê davêje û xalên kontrolê ava dike.
Ev gav armanc dike ku pêşî li gefên potansiyel ên li ser bajêr bigire û aştiyê di navbera niştecihan de pêş bixe. Ciwanên dildar bi hestek berpirsiyariyê ya xurt dixebitin da ku ewlehiya herêmê ji her gefên ku dikarin ewlehiya wê tehdît bikin, misoger bikin.
Komîteya Xweparastinê tekez kir ku ev xebat bersivek e ji bo erkê xwe yê welatparêziyê ku destkeftiyên civakê biparêze û giyanê hevgirtinê di navbera ciwanan de pêş bixe. Wan tekez kir ku ev xebat dê heta ku asta herî bilind a ewlehiyê were bidestxistin berdewam bikin.
Bi van tedbîran, Tevgera Ciwanên Şoreşger ên Tebqayê bi awayekî zelal rola ciwanan di parastina li dijî gefan û parastina aramiyê de tekez dike, û baweriya niştecihan bi rola wan a pêşeng di parastina bajêr de xurt dike.
