NAVENDA NÛÇEYAN – Yekîtiya Jinên Ciwan ên Bakur û Rojhilata Sûriyê ji bo jinên ciwan ên Herema Cizire Kampa Xwebûn dabû destpêkirin. Kamp bi giştî 5 roj berdewam kir û bername di kampê de gelek dewlemend bû. Bi dersa Xwedavendên Zindî re destpêkir, taybet behsa kesayeta Ş. Sara û Ş. Asya Elî hatin kirin. Her wiha jinên ciwan di beşa Jineolojî de Zanîsta Jiyanê dîtin. Piştî vê bi dersa Anatomiya Jin, Etik û Estetîk û ‘Em Dizanin Em Çi Dixwezin’ re berdewam kir. Di vê dersê de taybet li ser “Çawa Bijîn” niqaş hatin meşandin.
Ji xwendina perspektîfên Rêbertî, semîneran li ser nasnamaeya jinên ciwan heya atölyên, lîstokan bigire, ter û tijî derbas bû. Armanc ew bû ku jinên ciwan xwe nas bikin, li ser çawa jiyana azad dikare were avakirin niqaş bikin, disa şopa jinan di dîrokê de lêgerin û lêkolîn bikin.
Jinên ciwan ku tevlî wan kampan bûn nêrînên xwe anîn li ser ziman û diyar kirin ku: “Ev kamp derfetek mezine ji bo ku hîn baştir xwe nas bikin. Ji ber ku bi şewazên cûr bi cûr û afrîner ders tên dayîn, ev dihêle ku hîn baştir mijar werin femkirin.” Jinên Ciwan dan diyarkirin ku her jinek ciwan divê tevlî Kampên Xwebûn bibe.
Her wiha di kampê de jinên ciwan hest û fikrên xwe ji bo Rêber APO nivîsandin.
Ev demekê Yekîtiya Jinên Ciwan di hemû bajaran de ser navê Xwebûn kampan bi rêxistin dike. Ev kamp li ser esasê ku jinên ciwan hîn zedêtir cewhera xwe nas bikin û xwe nêzî fikri û felsefeya Rêber APO bikin. Di kampê de ji bo naskirina Birdoziya Rizgariya Jinê gelek bernameyên afrîner hene. Piştî ku di hemû bajaran û hereman de kamp hatin birêxistin, Kampek Navendî jî di meha Tirmeh were lidarxistin.
