NAVENDA NÛÇEYAN- Polîsên dewleta faşîst ya Tirk duh bi şev Şaredariya Colemêrgê dorpêç kirin, di saetên serê sibê de bi ser şaredariyê de girtin. Hevşaredar Mehmet Siddik Akiş hate binçavkirin.
Li gorî nûçeya Ajansa Mezopotamyyaê duh bi şev dora saet di 23.00’yan de bi sedan polîsên dewleta faşîst ya Tirk Şaredariya Colemêrga Bakurê Kurdistanê ku Partiya Wekhevî û Demokrasiyê ya Gelan (DEM Partî) di Hilbijartinên Herêmî yên 31’ê Adarê de bi dest xistibû dorpêç kirin.
Çavkaniyê ragihand ku kolana ku şaredarî lê û hemû kolanên tên şaredariyê ji aliyê polîsan ve ji trafîkê re hatin girtin. Hate îdiakirin ku piştî dorpêçê di saetên serê sibê de deriyên şaredariyê hatine şikandin, bi ser şaredariyê de hatiye girtin û hemû amîrtiyên saziyê bilez vexwendine ser peywîrê. Hat ezanîn ku Hevşaredarê Colemêrgê Mehmet Siddik Akiş jî li Wanê hatiye binçavkirin.
