NAVENDA NÛÇEYAN – Enternasyonalîstê Alman Çiyager Şiyar 7 mehin di nava komîna enternasyonalîst a Rojava (Bakur-rojhilatê Sûriyeyê) de cih digire û li ser sedemên hatina xwe ya Rojava ji ajansa me re axivî. Dema ku wî li ser şoreşa Rojava bihîst û çawa biryar da ku şoreşê bi çavên xwe bibîne, balkêşiya xwe vedibêje. Dixwaze bibe beşek ji wê. Ji me re behsa xebatên Enternasyonalîst dike û çawa li vê derê kariye bersivên pirsên xwe bibîne dike.
Çiyager Şiyar ji ajansa me re wiha axivî:
“Navê min Çiyager Şiyar e, 7 mehin ez di nava Komîna Enternasyonalîst de me. Ji ber ku di dema me ya îro de Rojava şoreşa cîhanê ye ez hatim Rojava. Rojava nîşan dide ev gelên bi hêviya azadiyê jiyan dikin mafdarin. Ji ber ku mirov dikare civakê azad bike û ji modernîteya kapîtalîst dûr bixe û wê li ser bingeha azadiya jinê û ekolojiyê bide avakirin.”
MIN XWAST ŞOREŞA ROJAVA BI ÇAVÊN XWE BIBÎNIM;
“Şoreşa Rojava û Kurdistanê ez bi salane bandor kir me, ji bo vê jî ez ketim nava lêkolînan di derbarê şoreşa Rojava de, yanê min xwast ez vê şoreşê bi çavên xwe bibînim. Beriya ku ez werim vê derê jî min li Almaniya hin tecrûbe girtin û kêm zêde li wê derê hin tişt naskir, ji bo vê jî daxwazên min ya hatina vê derê û naskirina wê jî hîn zêdetir bû. Min ji nîqaşkirina ser wê zêdetir xwast jiyana wê bikim.”
“Ma jiyan û azadî ji bo me ewqas girînge ku em amade bin, xwe birêxistin bikin û ew dikare çawa xuya bike? Çi zehmetiyên me bi jiyana ku em li Ewropayê dimeşînin re hene? Di kesayeta me de çi me disekinîne, çi me asteng dike? Pergal dikare li ku were dîtin? Çi dihêle ku em tenê li xwe bifikirin? ”
MIN LI VÊ DERÊ BERSIVA PIRSÊN XWE DÎT;
“Pirsên ku min anîn ziman, ez anîm vê derê Komîna Enternasyonalîst û li vir derfetên min hene ku ez van pirsan nîqaş bikim. Ji bo dîtina tiştên ku bandorê li me dikin çi ne, sîstema kapîtalîst û lîberalîzm weke îdeolojiya sîstemê bandoreke çawa li me dike. Ew çawa bandorê li ser hestê me dike, em çawa difikirin, em çawa bi hev re têkilî dikin. Li vir em dikarin hêdî hêdî, bi hev re hîn bibin û bersivên wan ên rast bibînin. Ezmûnên xwe yên ji Ewropa û welatên ku em lê tên bi hev re parve bikin û bi rêbazên ku rastiyan derdixe holê re çareseriyê bibînin û em binêrin ka kesayeta me bi rastî jî çiye.”
EZ BI DILGERMÎ HER KESÎ DAWETÎ VÊ DERÊ DIKIM;
“Ji bilî kesayeta ku pergalê avakirî, bi rastî jî em bigerin ka bi rastî jî kesayeta me çiye û çawa ye. Bingeha têkoşîna şoreşa Rojava jî guhertina kesayate. Di heman demê de hatina me ya vê derê jî, ji bo em ji kesên din re jî girîngiya şoreşa Rojava berbiçav bikin. Ji kesên din re em bidin diyar kirin ku li vê derê civak ji bo ku azad bibe şerekî çawa dide meşandin. Berxwedana ku li vê derê li dijî dewleta Tirk tê meşandin çawa ye, em ji her kesî re ragihînin. Li vê derê jiyaneke pir xwaş heye, ji ber ku bi hev re jiyan dikin, ji bo vê dikarin civakê baştir nasbikin. Ev yek bingeheke xurte ji bo parastina ziman, çand û şoreşê. Herî dawî ez we hemûyan bi dillgermî dawetî vê derê dikim.”
