NAVENDA NÛÇEYAN – Ciwan û jinên ciwan ên ku li dijî êrîşên dagirkeriyê yên dewleta Tirk rûyên xwe ber bi çiyayên azad veguherandine, biryardariya xwe ya Apoyî ku bi ruhê berxwedan û têkoşînê dawî li dewleta Tirk a faşîst bînin derdixin holê.
Komek ciwan û jinên ciwan ên ji Kobanê duh bi daxuyaniyekê ragihandin ku ew tevlî nava refên PKK’ê bûne. Ciwanan di daxuyaniya xwe ya duh de bal kişandin ser wê yekê ku nêzikatiyên li hember Rêberê Gelan Abdullah Ocalan ji bo wan xwedî sedemên hebûn û tinebûnê ye.
Me sedemên beşdarbûna wan, hest û ramanên Rehşan Zagros û Ararat Hewreman wergirtin. Her du ciwan ji hemû ciwan û jinên ciwan xwestin ku tevlî pêngava “Werîn Cenga heta Azadiyê” bibin.
“Sedema yekemîn a ku ez tevlî gerîla bûm, qirkirina li ser jin û ciwanên Kurdistanê ye.”
Rehşan Zagrosa sedemên beşdarbûna xwe wiha got û berdewam kir:
Navê min Rehşan Zagros e, ez ji Kobanê me. Bandorbuna min ya ku ez li tevlê refê gerîlla bûm, yekemîn ji ber ku ev qas tiştê ku li Kurdistanê tên kirin ewqas qirkirina li ser jinan taybet li ser ciwanan tê kirin mirov pê bandor dibe û ev sedema yekemin e ku mirov tevli dibe. Ya din jî ev qas sal e, 23 sal e ku Serokatî di zindanê de ye ew qas berxwedanê ya jibo vê gelî, ji bo Kurdistanê ji bo hemî cîhanê ye.Ev sedema duyemîn sedema herî girînge ku mirov pê bandor dibe mirov nikare çavên xwe ji van tiştan re bigre ji bo vê ez tevlî bum.Herwiha rastîya ku mirov tê de bimeşe,rastiya ku mirov heqîqeta xwe, nasnameya xwe nas bike; Ji ber ku ewqas sal e ku em nasnameya xwe dîroka xwe nas nakin, wekî jin em xwe nas nakin.Ji bo vê sedemê ez tevlî bum da ku ez wekî jin xwe nas bikim; dîroka min çi ye, hêza min, îrada min çi ye û ji bo ez têkoşîn bikim.. Dijmin ewqas êrîşekî mezin li ser ciwanan dike, ser jinan, li ser vî gelî dike, tecrîdeke herî giran li ser serokatî dide meşandin. Ji ber sedeman ez tevlibûm.
Ku em niha dizanin salvegere 44 emîn damezrandina avakirina partiyê ye. Emê vê salê 44’emîn wekî sala serkeftinê derbas bikin. Em ev şerê dijmin li ser gel dimeşine, li ser hemu dinyayê dimeşîne em ê bin bixîn. Em ê zindanê İmraliyê bişkînin. Yanê êdî bes e, ji vê zilma ku dijmin li ser me dimeşine, ser ciwanan û jinan dimeşine. Pêwîst e ku her jinek û ciwanek tevli vê hemleya, ‘Werin Cenga Azadiyê’ bibin.
Ararat Hewreman jî sedema tevlêbûna xwe wiha par vekir:
Navê min Ararat Hewraman. Ez ji bajarê Kobanê me. Ez tevli nav refên gerîlayê azadiya Kurdistanê bûm. Min soz da ku ez soza xwe pêk bînim, me soz daye şehîdan ku em vê axê ve welatî vê dijminê xwînxwar re nehêlin. Heta niqutek xwîna me hebe em ê têkoşin bikin, em ê ber xwe bidin. Em ê vî dijminî têk bibin. Ev dijmin dixwaze xwîna me vexwe.
Şerê niha li Avaşîn, Zap, Metîna tê meşandin bi hemû teknikê tê meşandin û dîsa li beramberî gerîla nikare gavekê pêş de bibe. Ev sala ketiye sala 44’an a damezrindina PKK’ê. Ez jî tevli sala nû ya serkeftinê bû me.Niha gerîla şerê serkeftinê dimeşîne. Ez ji tevli vî şerê serkeftine bûme. Niha ‘Cengê Azadiyê tê meşandin. Min jî niha di vê ‘,Cenga azadiyê’ de cihê xwe girtiye. Ez bang li hemû ciwanan dikim ku cihê xwe di nav ‘Cenga Azadiyê’, de bigirin.
