HESEKÊ – Dibistana Pilingên Taekwondo, ku yek ji stûnên herî girîng ê Taekwondo li Rojavayê Kurdistanê. Ew a ku Lîstikvan û lîstikvanên wê her tim ji Şampiyonên rengîn ên zêr, zîv û bronzê her gav di forûmanên navneteweyî de tîne. Di dundirê Dibistana Pilingên Taekwondo de Tîma Roj heye a ku cihê xwe di gelek Şampiyonan de girtiye wek Efrîqiya, Asya, Ewropa û Başurê Kurdistanê.
Di derbarê vê yekê de Endamên Dibistana Pilingên Taekwondo nerînên xwe ji Ajansa me re parvekirin.
Fatma Xalid Qasim Endama Dibistana Tekwondo ya Tîma Roj wiha dest bi axaftina xwe kir; “Ez çûm Şampiyona Başûrê Kurdistanê ya li Silêmaniyê ya duyemîn min bidest xist, min kemera Reş girtiye. Ev jî hemû bi saya keda mamosteyê min ez spasiya wî dikim”.
Her wiha Diya fuad Seyid Elî jî nerînên xwe anîn ziman û got; “ Ez tevlî Tekwando bûm di sala 2014’an de, min cihê xwe di gelek şampiyona de girtiye li Minbic, Qamişlo û Hesekê. Ez gelek kêfxweşim di demeke nêz de em cihê xwe di nav astê navdewletî de bigrin û teqaz em ê asta yekemîn bin. Tevî ku derfetê me kêmbû me berdewam dikir, û em dighêjtin armanca xwe”.
Di heman demê de Hela İdrîs Hesen Endama Tekwondo ya Tîma Roj jî axivî û got; “Di sala 2016’an de ez beşdarî Şampiyona dewletî ya Urdon a Eman bûm, min xelata zîv stand. Her wiha ez beşdarî a Başûrê Kurdistanê bûm di wir de jî min xelata Zîv girt. Di sala 2018’an de ez beşdarî a dewreya Perwerde min di wir de jî min Bawernameya xwe a Perwerdê jî girt. Her wiha dîsa di sala 2018’an de ez beşdarbûm bi navê Rojavayê Kurdistanê min dîsa xelata Zîv wergirt”.
Darîn Ebdulbarî Husên jî wiha got; “Ez tevlî Tîma Roj bûm di sala 2019’an de, perwerda me gelekî baş derbasbû. Ez ê biçim kemera Reş, min cihê xwe di Şampiyonên Tîma Roj de girtiye. Şampiyona li Tûnis çêbû ez çûm”.
Rojda İbrahîm jî nerînên xwe ji me re vegotin; “ Di sala 2018’an de min cihê xwe di nava Tekwondo de girt. Di sala 2019’an de min cihê xwe di Şampiyona Silêmaniyê ya Başûrê Kurdistanê de girt di asta yekemîn de derketim. Dîsa di sala 2019’an de min cihê xwe di Şampiyona Misir de girt.
Di heman demê de Masteyê Dibistana Pilingên Teakwondo jî nerînên xwe ji me re parvekir û wiha got; “Ji bo asta Tekwondo li herêma Cizîrê û Rojavayê Kurdistanê bi giştî jî gelek caran baldikşîne ji bo Ciwanan. Û pirs dikin dibêjin çawa Tekwondo ewqasî bûye rojev, yanî Tekwondo li Rojavayê Kurdistanê bûyi rojev, ji ber ku Çanda Tekwondo nêzîkî Çanda Rojhilata Navîne û nêzîkî Çanda Gelê Kurde, bêhtir Kurd nêzîkî wê dibin ji bo ku xwe bidin xuya kirin wek gel ku di nava ewqas cihan de jiyan dikin, me karîbû ne tenê di milê gotin de di milê pratîk de jî me karîbû beşdarbibin li ser asta cîhanê di astên pir bilind de, yanî li ser asta Rojhilata Navîn beşdarbûna, li ser asta gelek Welat em beşdarbûne û wek Kurd me xwe daye xuya kirin eger bi Cilê xwe bê yan bi navê Tîmên xwe, yanî wek Tîma Roj, Tîma Pilingên Tekwondo ji vê herêmê ne ji Rojavayê Kurdistanên e û bi nivîsandina Zimanê Kurdî jî Logoyê me tê nivîsandin.
Dema ku tu karibê wê bidê qebûlkirin, Îradeya Gelê Kurd di nava ewqas Welat de bide qebûlkirin tê wê Wateyê ku tu jî miletekî serekeyi di nava cîhanê de. Eger Îradeya te û xwesteka te hebe tu dikarê xwe bighênê her cihê ku tu dixwazê û tê isbata xwe bikê di nava wan gelan de. Ji boyi vê yekê em dibînin Tekwondo li Rojavayê Kurdistanê bûye beşek ji Sporê a Jiyana gel li vêderê.
