DÊRİK – Yekîtiya Jinên Ciwan bi armanca xwe perwerdekirin û xwedî li nasname û hebûn jin derketin Kamp ji bo Jinên Ciwan li bajarê Dêrikê yê Rojavayê Kurdistanê dane dest pêkirin. Kamp ji 15 Jinên Ciwan pêk tê, hat zanîn ku di perwerdeya Kampê de wê waneyên cûda cûda werin dayin. Wek Zayindperestî, Jineolojî, Civaka xwe naskirin û hwd…. her wiha wê ev Kamp 10 rojan berdewam bike.
Jina Ciwan a bi navê Hebûn nerînên xwe derbarê tevlîbûna xwe ya Kampa Jinên Ciwan de ji me re parvekir û wiha dest bi axaftina xwe kir; “ Di destpêka hatina me ya vê derê de di nav xwezayê de, ji ber ku Civaka meya berê di nava xwezayê de jiyan dikir, yanî koka me ya bingehîn di nava vê xwezayê de ye. Xwesteka me jî wilo bû em werin di nava xwezayê de Perwerde bibînin, da ku em fêrî perwerdê bibin ji ber ku perwerde ji her kesî re girînge, bi taybet ji bo jinê.
Wek di roja me ya îro de Jin hatiye tebisandin, ji ber ku ji aliyê bîrdozî ve ew şikenandiye, gotiye tenê Jin ya malê ye. Mafê jinê heye ku îro rabe ser siyan û li hember wê zihniyetê bi îradeya xwe biskin e. Wek di dema niha ber bi çave di Efrînê de mirov dikare mînaka wê bide, her roj Jinek tê revandin, qetilkirin, İşkencekirin û tê avêtin ji ber ku Jin her di hedefa êrîşên hovane yên dagirkeriya dewleta Tirk e, da ku îradeya jinê bişkîne di nava civakê de ji ber vê yekê wan êrîşên wehşiyet dike. Da ku em jî wek Jinên Ciwan li hember wê Zihniyetê û wê dagirkeriyê bisekinin, divê em bibin xwedî îrade”.
Hebûn di dawiya axaftina xwe de wiha anî ziman û got; “ Wek Serokatî di Pirtûka xwe ya Seyemîn de tîne ziman û dibêje “Ez çûm û di hemû mafên Jinê de, ez kêm mam” lê belê vaye îro em hemû bi saya keda Şehîdan û Felsefeya Serokatî jiyandikin û xwe diha bêhtir zêdetirk dikin di wê felsefê de, ji ber ku herî zêde pêwîste Jin were perwerde kirin, di dema niha de çiqasî em perwerde dibînin jî, hîna jî kême. Divê her tim lêgerînek hebe ji bo perwerde ji bo jiyaneke rast.
Her wiha Endama Jinên Ciwan a bi navê Novîn Cewherî jî nerîna xwe ji ajansa me re parvekir û wiha got; “ Hatina me ya vê perwerdê gaveke baş bû ji bo me wek Jinên Ciwan, li vir em Jiyaneke Komînal jiyan dikin bi hev re. Di vê dema niha de Jinên Ciwan tên hedefgirtin ji aliyê işkence, revandin, qetilkirin û hwd.. ev tişt jî niha li Bajarê Efrînê ê ku ji aliyê dewleta Tirk ve hatiye dagikirin li hember jinê tê jiyankirin, armanca wan jî a van êrîşên hovane ew e ku Jinê bitirsînin, bê Îrade bixin. Ev yek ne tenê li ser Jinên Efrînê tê kirin, niha li tevahî cîhanê Jin tê İşkencekirin. Bangî hemû Jinan dikin ku xwe perwerde bikin da ku li hember vê zihniyeta dagirker bisekinin”.
