AMED – Tevgera Ciwanên Şoreşger (DGH) li Bakurê Kurdistanê û metropolên Tirkiye di nava çalakbûyinek pirr alî de ye. Me wek ajansa ciwanan a Nûçe Ciwan xwe gihand endamekî DGH’ê.
Endamê DGH’ê Bawer derbarê rola ciwanan a di vê pêvajoyê de, û li dijî faşîzma ku her diçe dijwartir dibe xeta çalakiya wê çawa be, wan mijaran ji ajansa me re nirxand. Hevpevîna ku me wek 2 beşa amadekiriye, em ê bi xwendevanên xwe re beşa yekmîn parve dikin.
Ev demeke dirêje me hewl dida ku em xwe bigihînin we. Di vê mijarê de me zehmetiyan kişand be jî di encamê de me xwe gihand we. Wek DGH’ê rêxistinbûyina we tê çi wateyê. Wûn vê pêvajoya heyî çawa digrin dest? Û li hemberî vê têkoşîna we wê çawa be?
“Destpêkê rêxistina me DGH ev demeke dirêje hatiye avakirin. Jixwe li ser koka YDG-H’ê û dîsa di encama Berxwedana YPS’ê û Berxwedana Rêveberiyên Xweser bi biryardariya çalakbûyina wê xwe nûsazkiriye. Wek pêwistiyek, wek neçariyek ev rêxistinbûyin derketiye holê. Em dikarin bêjin ku DGH destpêkê wek rengvedan Ciwanên Kurd, û tevahî ciwanên şoreşger û demokratîk hatiye avakirin. Vekirî xuya bû ku pêwistiyek bi rêxistinbûyinek wiha heye. Ji ber vê jî em berbi vê rêxistinbûyinê ve çûn. Niha çima pêwistî bi DGH’ê hebû, em vê vekin.”
“VEAVABÛNA HUCRE Û DGH”
“Şerê qirkirinê ku îro tê jiyîn belkî ji dirokê ve bi awayekî herî tewa û bandorker di vê pêvajoyê de vekirî tê meşandin. Di van şert û mercên faşîzmê de vekirî xuyaye ku di qada legal di siyasetê de di çarçoveya hiqûqî têkoşînek nikare bê meşandin. Li ser vê bingehê pêwistî bi veavabûna hucreyê û di vê çarçoveyê de bi çalakiyên îllegal heye. Her çiqas rêxistinbûyinek civakî, berxwedanek civakî hebe, pêwiste rêxistinbûyinek a pêşengê civakê ya ciwanan û biryardariyek çalakiyan a xurt derkeve holê. Yê vê yekê bikin ciwanên ku di nava rêxistinbûyina DGH’ê de ne ye. Di nava vê jî pêşengtî dikeve ser milê Ciwanên Kurd ê Welatparêz. Yê bikin ev in.”
“DI NAVA PERGALÊ JIYAN NEMAYE”
“Hebûn û tunebûna gel di niqaşê de ye. Li ser gel şerê qirkirinê tê meşandin. Li hemberî vê wê ciwan helbet xwe bi rêxistin bikin û bikevin nava çalakiyan de. Tu şansê ciwanan nemaye, nikare li hemberî vê rastiyê biçin zaningehê pergalê, dewletê û dibistanên dijmin wekî ku tiştek nebûye. Di nava pergalê de tu mercên ku ciwan tê de bimînin nemaye. Êdî dema dema ketina nava çalakiyan e.”
“BI RÛMETBÛYIN JI BO KUŞTINA TE SEDEMEK E!”
“Niha serçeteyê faşîzma akp-mhp Erdogan fermana kuştina Kurdan îmze kiriye. Hebûna xwe di tunebûna Kurdan de dibînin. Berê xwe daye hemû tiştên Kurdan. Li hemberî her mirovekî ku refleksek biçûk li dijî faşîzma wan nîşan bide, hemberî her şoreşgerekî polîtîkayên tunekirine bi awayekî vekirî didin meşandin. Êdî ji bo vê pêwistî nake ku tu PKK’yî be. Tenê bûyina Kurd, şoreşger, an jî kesekî ku nirxên esasî ên mirovî hildigre, dikare bibe sedema ku bikeve zindanê an jî bên kuştin.”
“EM DIXWAZIN WEK BERXWEDANVANAN BIKEVIN DIROKÊ”
“Vê rastiyê pêwiste hemû ciwan bibînin. Wek rêxistina DGH em nikarin li hemberî vê bêdeng bimînin. Em wek ciwanên DGH, wek ciwanên Kurd, wek ciwanên welatparêz û demokratîk nikarin li hemberî vê bêbersiv bimînin. Dirok wê wan rojan bi awayekî bandorker bigre dest û binirxine. Ev pêvajo dê dadbar bibe. Di vê pêvajoyê de kê serî hilda? Li hemberî faşîzmê kî sekinî? Dirok dê wan dadbar bike. Li ser vî esasî em wek Rêxistin û Yekîneyên DGH’ê dixwazin wek Berxwedanvan di dirokê de derbas bibin.”
“DGH TEVGEREK TOLHILDANÊ YE”
“DGH tevgerek tolhildanê ye. Tevgerek li dijî faşîzma tc’ye ya ku her Kurdan, Welatparêz û Demokratan dikuje. Em vê yekê vekirî ji hemû kesî re îlan dikin. DGH ne tenê civakbûyinek ku ji cend ciwanan ve pêk tê û çalakiyan lidar dixe, pêwist ev baş bê fêmkirin. DGH bûyerek dirokî ye. DGH li ser esasê berxwedan û têkoşîna ciwanan ya di nava YDG-H û YPS ên di berxwedanên Rêveberiyên Xweser pêkhatiye derketiye holê. DGH jî tevgereke ku li vê yekê xwedî derdikeve, vê têkoşînê pêşdixe û dixwaze bighine serkeftinê.”
“TIŞTÊN ME KIRIYE, NÎŞANEYA TIŞTÊN KU EM Ê HIN BIKIN”
Eger îro behsa hebûna Kurdan tê kirin, hin behsa nirxên mirovahî tê kirin, ev yek destpêkê bi saya têkoşîna Ciwanên APOYÎ pêk hatiye. Di encama têkoşîna tevgerek ku bi komekê destpê kiriye û di roja me ya îro gihiştiye mîlyonan ve çêbûye, lê pêşengê vê hertim ciwan in. Em wek Yekîneyên DGH’ê pêvajo û faşîzma heyî qebûl nakin, red dikin û em ê li hemberî wê di nava çalakbûyina her radîkal debin. Tiştê me kiriye û hatine kirin jixwe nîşan dide ku em dikarin çi bikin. Em hewl didin qala vê bikin.
“HER CIWANÊ ŞOREŞGER, WELATPARÊZ, DEMOKRAT BILA XWE WEK DGH’YÎ HÎS BIKE”
“Berxwedanek ku bi salane didome heye, têkoşînek ku bi salane rêve diçe heye. Di bin ronahiya vê têkoşînê de heta serkeftina wê, dê DGH rêxistinbûyina xwe bidomine û em bawer dikin ku ew ê serkeftinê bixwe re bine. Li ser vî esasî em rêxistinbûyina DGH wiha digrin dest. Li ser van bingehan DGH derketiye holê û wê teqez serkeftinê ku daye pêş xwe pêk bine. Pêwiste ji bilê serkeftinê Ciwanên Kurd û Ciwanên Welatparêz tiştekî din qebûl neke. Armanc û şeklê rêxistinkirin wê bi vî awayî pêşkeve. Rêxistinbûyina DGH’ê ya hemû ciwanan e. Her ciwanekî demokrat, welatparêz, şoreşger endamekî xwezayî yê DGH’ê ye, pêwiste xwe wusa bigre dest.”
“BÊYÎ KU LI BENDA PERSPEKTÎFAN BE, HER CIWANEK BIKEVE NAVA ÇALAKIYAN”
Endamê DGH’ê Bawer di dawiya axaftina xwe de daxuya kirin ku pêwiste ciwan bêyî ku li benda perspektîfan be bikeve nava çalakiyan û di dawiyê de wan diyar kir: “Ji bo li dijî faşîzmê Berxwedan bê raberkirin, pêwist nake ciwan li benda talîmat, perspektîf an jî benda kesekî bimine ji bo bikeve nava liv û tevgerê. Şert û mercên heyî jixwe pêwiste me bixe nava tevgerê. Ev pêwiste em wusa bigrin dest. Yanî çi ji destê kijan ciwan were, pêwiste wê bike. Bila xwe di nava rêxistinbûyina DGH’ê bigre dest. Bi fermiyetê tu têkildariyê xwe tune. Tişta giring ew e ku em di mercên faşîzmê de çiqasî derbên giran li dijmin didin. Helbet di nava vê rêxistinên cuda û yên veşartî hene. Wek me daxuakirin, bi giştî pêwiste ciwanên welatparêz, demokrat û şoreşger di bin ziwana DGH’ê bibin yek. Ji bo vê ji destê kê çi tê, kî dikare çiqasî têkarî bike, derbên ku faşîzmê lawaz bixe, bila teqez bike û li dijî faşîzmê bikeve nava têkoşîne.”
NC/Osman Çapan
