BEHDÎNAN – Fermandariya Biryargeha Navendî ya YJA Starê got, “Sedsala 21’ê sedsaleke dest bixwîn, mêtinger, zextkar û gemarî ye. Ev jî afirandina pergala ziamê serwer e. Li dijî vê pergala ku hiş û hemû nirxên sincî berdayî destpêkê jin, hemû çewisandî û hêzên demokratîk berdêlê mezin dane û her demê bi têkoşînê rûmeta xwe parastine.”
‘JINÊN KURD LI REFÊN PÊŞ IN’
YJA Starê her wiha bal kişande ser zext û zordariya fizîkî û psîkolojîk a zilêm a sala 2019’an a li cîhanê û Rojhilat Navîn a li ser jinê hatiye kirin û diyar kir: ”Yê ku ev rewşa ku hema bibêje hatiye normalîzekirin û meşrûkirin, hişmendiya dewletê ye. Jinên ku li bara vê rastiyê bêdeng nemane, bi dirûşma, ”xweparastin heqê herî mezin e”, têkoşînên mezin dan. Ev têkoşîn heta ku jiyaneke bi navendiya jinê û demokratîk ji nû ve were bidestxistin wê bidome. Di roja me ya berdest de baweriya jinan a bi vê jiyanê mezin dibe. Ji ber ku êdî qadên wiha hene ku jin dikarin xwe lê vebêjin, xwe hişk pê ve girêbidin. Jin bi her gava ku davêjin jiyaneke zêdetir bi azadî û xawênê dijîn. Ev rastî nexasim ji bo jinên Kurd wiha ye. Jinên Kurd îro li her deverê, li her qadê bi rewşa pêşeng e û di têkoşîna azadiya jinê de li refên pêş e. Çawa ku hişyarbûna gelê Kurd bi PKK’ê dest pê kiribe, şerê ku jinên Kurd hebûna xwe pê danîne holê bi PKK’ê re, bi paradîgmaya Rêber Apo ya ku bi navenda jinê daniye holê, geş bûye. ”
‘BI ÎDEOLOJIYA RIZGARIYA JINÊ GEŞTIR BÛYE’
YJA Starê bi berdewamî got, rêça berxwedanê ya ku bi têkoşîna heta bi mirinê di şexsê Clara, Rozayan de û bi hezaran jinî de bi rengê 8’ê Adarê Roja Jinên Kedkar a Cîhanê bûye sembol, bi Îdeoloiya Rizgariya Jinê ya Rêberê Gelê Kurd Abdullah Ocalan geştir bûye.
YJA Starê got jiyanîkirina îdeolojiya Rizgariya Jinê bersiva herî mezin e ji bo bîranîna Rozayan heta bi Sarayan ku di ber jiyana bi navenda jinê de heta bi mirinê li ber xwe dane.
‘JINA KURD BI AVAKIRINA ARTÊŞA JINÊ DAYE ÇESPANDIN’
YJA Starê bi domdarî got: ”Jina Kurd ku bi PKK’ê re polîtîk bû, îro rê li geşedanên hemû cîhanê vedike. Ji ber ku hêzeke wiha ye ku li dijî pergalê li ber xwe dide, vîna gewherî datîne holê. Ji ber vê, ne tenê di qada îdeolojîk û siyasî de, di qada leşkerî de jî xwe ispat kiriye, bi artêşa jinê ya ku ava kirî ev daye çespandin. Jinên Kurd ne tenê li Bakurê Kurdistanê, li Başûr, Rojhilat û nexasim li Rojava rêxistiniya xwe dike, hêzeke xweparastinê ya ne bi vîna mêr derdixîne holê, bi vî rengî xwe dike hêzeke ku ji vî alî ve şerdike û bi ser dikeve. Ji vî alî ve tevgera me ya azadiya jinê ji bo gelek tevgerên jin dibe kana îlhamê û azaweriya têkoşînê dide wan. Tirsa peralê, sedema êrîşên gemarî yên li ser me ji ber vê rastiyê ne.”
‘CÎHANÊ TEV ŞAHDÎ JI BERXWEDANA JINA KURD RE KIR’
YJA Starê bal kişand ser têkoşîna jinê ya li Rojava û diyar kir ku jiyana girêdayî jinê çiqasî ji bo mirovahiyê pêwîstiyeke nebe nabe ye. YJA Starê got: “ Li Rojavayê Kurdistanê yên li eniyên herî pêş ker kirin jin bûn. Ji ber ku yên herî zêde şer li dijî wan hatin kirin ew bi xwe bûn. Cîhanê hemû tev şahidî ji berxwedana jinê ya li dijî DAÎŞ’ê ya dijminê jinê û mirovahiyê bû. Armancan, Çîçekan, Şevînan, Evînan û Dîcleyan bi berxwedaneke bi heybet a li dijî faşîzma TC’ê kirin, piştrastkirin ku şopdarên Zîlanan û Bêrîtanan in.”
‘ÊRÎŞ LI HER QADÊ LI SER JINÊ HEYE; YÊN XWE LI MAL HEBIS BIKIN AZAD NABIN’
YJA Starê di daxuyaniya xwe de diyar kir ku êdî jinên Kurd têkoşînê ne tenê li çiyan, li geliyan, kolana, rê û bajaran dike qada şer û li her qadê têkoşînê xurt dike û ev hate gotin: “Yên xwe li malan hebis bikin azad nabin. Êrîş li her derê li ser jinê heye; li malê, li kolanan, dibistan, cihê kar, meclîsê û li her derê êrîş heye. Ji bo wê tişta ku jin bikin jin qadên azad biafirînin û parastina van qadane.
‘JIN TENÊ WINDA NAKE…’
YJA Starê destnîşan kir ku jiyana demokratîk, netewa demokratîk û civak bi jinê azad bibe û bi taybet bi têkoşîna li her qadê dikare bijî. YJA Starê bi domdarî got: “Divê jin vê yekê ti demê ji bîr nekin; Tenê kêliyekê jî pişta xwe bide têkoşîna azadiyê tenê ew winda nekin. Di şexsê jinê de civak exlaqî-polîtîk a hemû mirovahiyê wê winda bike. Wê nirxên hatin afirandin, dîroka jinê ya derketî wê winda bibe. Ji bo wê divê ne tenê 8’ê Adarê bibe yar jinê, her roj a jinê be, bê navber şerê hebûn û parastina azadiya xwe bide. Ji ber ku siberoja azad di şoreşa jinê ya ku dixwaze bi afirîne de veşartî ye.
Em YJA Star herî dawî soza serketin ya şoreşa jinê didin û di serî de 8’ê Adarê li Rêberê Apo û hemû jinan pîroz dikin, hemû şehdên şoreşê yên di têkoşîna azadiya jinê de şehîd bûne bi minet bibîr tînin.”
