NAVENDA NÛÇEYAN – Fermadariya Giştî ya YBŞ’ê bi daxuyaniyeke nivîskî li ser êrîşa 15’ê Çile ya saet 10:30’î ku bi balafirên şer ên bê mirov a bi çek (SÎHA) a dewleta Tirk a dagirker a li ser Şengalê agahî da.
Fermandariyê ev agahî par ve kir:
“Di roja 15 Çile seat 10:30’an de dewleta Tirk ya dagirker û hov bi balafirên bê mirov ên bi çek ( SÎHA ) ve li gundê Dîgurê ya girêdayî nahiya Sinûnê êrîşê gelê me û şervanê me kir.
Di vê êrîşê de hevrêyên me Zerdeşt Şengalî, Hemîd Şengalî, Şervan Cîlo û Êzdîn Şengalî gihîştin şehadetê û hevalekî me jî birîndar bû.
‘IRAQ JI VAN ÊRÎŞAN BERPIRS E, DI VÊ BÊDENG NEMÎNE’
Ev êrîşên ku dewleta Tirk ya dagirker li ser gelê me pêk tîne ji bona me û gelê me ti ferqa xwe ji êrîşên DAÎŞ’ê nîne. Ev êrîşên ku ji aliyê dewleta Tirk ve li ser gelê me û şervanên me pêk tîne, lazim e dewleta Iraqê xwe li hemberî van êrîşan berpirsiyar bibîne. Dewleta Iraqê jî û her kes jî dizane YBŞ li Iraqê de hêzek fermî ye. Rûxmê ku tê zanîn jî çima dewleta Iraqê dihêle ev pênc carin dewleta Tirk êrîşî me û gelê me dike. Lazim e dewleta Iraqê rê nede ku ev êrîşên wisa pêk werin û bêdeng nemîne. Em heman tiştî ji bona hêzên koalîsyonê jî dibêjin, lazim e koalisyon jî xwe berpirsiyar bibîne.
‘DIVÊ GELÊ ME DI ASTEKE PIR XURT DE XWEDÎ LI ŞEHÎDÊN XWE DERKEVIN’
Gelê me lazim e vê tiştê baş û rast bixwîne, xwedî li fermandarê xwe yê mezin Zerdeşt Şengalî, Hemîd Şengalî, Şervan Cîlo û Êzdîn Şengalî derbikevin. Çawa ku gel di Iraqê de xwedî li Qasim SIleymanî û Ebû Mehdî Mûhendis derketin lazim e gelê me ji xwedî li fermandar û şervanên xwe derbikevin. Ji bona van çar şehîdên xwe em ê bi bîryardarî û cesaret her tim xurt tevbigerin, di her kêliyê de ji bon bîranînên wan kar û xebat bikin.
‘EM Ê XEYALÊN ŞEHDÎNÊ XWE BI CIH BÎNIN’
Hedefên kU van qehremanên mezin dixwastin pêk bînin em ê xwe bigîhîjînin wan hedefan. Bila dijminê me û dostên me bizanibin kesek nebêje ew ê bi van êrîşan lewaz bikevin, berovajî wê em ê xurtir bibin. Her şehîdekî me ji bo me fermaneke ya rêya azadî û serkeftinê ye.
Em di serî de ji malbatên xwe û hemû gele xwe sersaxiyê dixwazin. Dûbare soza mezinkirina têkoşîna rêhevalên xwe didin.”
Nasnameya şehîdan wiha ye:
Nasnav- Zerdeşt Şengalî
Nav û Paşnav: Nezar Bapîr Murad
Navê Dayîk û Bav- Kinê Salim- Bapîr Murad
Cîh û Dîroka Şehadetê- 15-01-2020- Şengal/Digurê
***
Nasnav: Şervan Cîlo
Nav û Paşnav: Eymen Bapîr Murad
Navê Dayîk û Bav: Kinê Salim/ Bapîr Murad
Cîh û Dîroka Şehadetê: 15.01.2020- Şengal/Digurê
***
Nasnav: Hemîd Şengalî
Nav û Paşnav: Hemîd Xelîl Qasim
Navê Dayîk û Bav: Xanê Keso- Xelil Qasim
Cîh û Dîroka Şehadetê: 15.01.2020- Şengal/Digurê
***
Nasnav: Êzdîn Şengalî
Nav û Paşnav:Elî Hiseyn Xidir
Navê Dayik û Bav: Nora Xidir- Hiseyn Xidir
Cîh û Dîroka Şehadetê: 15.01.2020- Şengal/Digurê
