NAVENDA NÛÇEYAN – Komxebata Xwendekarên Rojava û Bakur Rojhilatê Sûriyê doh bi daxuyaniyekê bidawî bû. Der barê encama komxebatê xwendekarên zanîngehê Zeynep Hesen, Îshaq Mihmed û Dilê Ehmed ji ajansa me re axivîn.
NEBESIYÊN HEVDU REXNE KIRIN, ÇARESERÎ DERXISTIN HOLÊ
Zeynep Hesen cihê xwe di nava xebatên Jinên Ciwan de digrin û her wiha diçe zanîngehê jî. Hesen der barê Komxebata du rojan ev tişt anî ser ziman: “Me di vê komxebatê de pirsgirêkên ciwan û xwendekaran û çareseriyên wê niqaş kirin. Encamek baş ji vê civînê derket holê. Cara yekemîne ku hemû Xwendekarên Rojava û Bakur Rojhilatê Sûriyê di holekê li hevkom dibin û komxebatek bi vî rengî lidar dixin. Nêrînên xwendekaran û pêşniyarên wan ên çareseriyê hatin girtin. Nebesiyên hevdu rexnekirin û ji bo pêşerojê plansaziyên xwe danîn. Encamên xurt derketin holê. Em hêvî dikin ku xebatekî wusa hertim bê dûbare kirin. Ji ber ku ev komxebat ji pirsgirêkên me re dibin riya çareseriyê.”
ENCAMEK XURT DERKET
Îshaq Mihmed ku eslê xwe ji Efrînê ye û xwendekarê zanîngeha Rojava ye, der barê naverok û encama Komxebatê ev agahî dan ajansa me: “Di vê komxebatê de ji hemû Rojava û Bakur Rojhilatê Sûriyê xwendekar hatin gelhev. Ji Efrînê bigrin heta Derîkê xwendevan beşdar bûn. Di komxebatê de me xal bi xal mijarên pêwîst bûn niqaş kirin. Destpêkê nasnameya xwendekaran hate pênase kirin û li ser erk û misyona wan di nava civakê nerîn hatin dayin. Pirsa ‘Çawa xwendekar dikare xwe rêxistin bike?’ bi firehî hate vekirin. Rewşa xwendekaran beriya û piştî Şoreşê baş hate niqaş kirin. Xwendekar di nava zanîngehên rejîmê de xwe çawa birêxistin dikirin, heta kijan astê birêxistin bûn li ser wan pirsan niqaş hatin meşandin. Beşek din a giring ew bû ku xwendekar çawa cihê xwe di nava destpêka Şoreşê de girtine û di milê leşkerî de çawa beşdar bûn. Gelek xwendevan di milê leşkerî de di asta komutantiyê pêşengtî kirin ji Şoreşê, ev mînakana hatin dayin. Nasnameya xwendevana a ciwantî wek beşek esasî hate destgirtin, ji ber di vê mijarê car carna pirsgirêk û nefêmkirinek derdikeve. Rêxistinbuyîn ji bo xwendekaran giring hate ditîn û rê û rêbazên wê hatin niqaş kirin. Bi giştî komxebat coşek xwe hebû û encamek xurt derxist holê. Der barê encamê Komxebatê wê zaten encamnameyek bê eşkere kirin.”
EM JI HÊVIYÊN ZAROK Û CIVAKÊ RE BIBIN BERSIV
Xwendevana beşa wêje Dilê Ehmed eslê xwe ji Kobanê der barê rol û misyona xwendekaran wiha axivî: “Di dema rejîmê de xwendekar pirr lawaztî jiyan dikirin û rewşek nebaş jiyan dikirin. Piştî Şoreşê ev hate guhertin, rewşa xwendekaran û asta wan hin baştir bû. Di aliyê bîrdozî û zanistî de xwe pêş xistiye. Xwendekar di aliyê perwerde de rola giring girt ser xwe. Ya giring ew e ku xwendevan bikare di nava civakê guhertin bide avakirin. Nabe ku xwendekar piştî bawernameya xwe bigrin, biçin di mala xwe de rûne, pêwîste ji bo civaka xwe çi ji destê wan were bike. Rolek din dikeve ser milê xwendekaran, ew ku zanebûna xwe bidin zarokan. Hêviyên zarokan ji me hene. Pêwîste em van hêviyana neşikînin, ji bo em di her aliyê de ji wan re bibin alîkar. Li ser me xwendekaran û ciwanan şerekî piskolojîk tê meşandin. Dixwaze mejiyê xwendekaran tevlîhev bike. Ev şerê taybet hiştiye ku gelek xwendekaran dev ji xwendina xwe berdin, û li dû tiştê vala bikevin. Wek heşîş, eraq û tiştên bêexlaq. Xwendekar çiqasî birêxistinî bin ew ewqas bikare xwe ji bandora vî şerê taybet xelas bike. Perwerde tiştek esasiyê ji bo xwe ji bandora şerê taybet xelas bikin. Pêwîste xwendekarê me hin bêtir li ser Netewa Demokratîk bixwine. Ji bo pêşerojê pêwîste lêhurbûnê xwe hebe. Xwendekar li ser vî esasî tevbigerin wê di demê pêş de bikarin gelek tiştan ava bikin. Wê pêşerojek hin baştir ji bo xwe, hemû zarok û civakê ava bikin.”
https://www.nuceciwan29.com/ku/2019/09/21/komxebata-xwendekaran-bi-daxuyaniya-girseyi-bi-dawi-bu/
