ŞENGAL- Meclisa Jinên Ereb û Ciwanên Ereb yên Şengalê bi meşekê daxwaz kirin ku tecrîda li ser Rêber Apo bidawî bibe. Her wiha jin û ciwanên Ereb daxwaza hevdîtina bi Rêber Ocalan re kirin.
Meclisa Jinên Ereb û Ciwanên Ereb yên Şengalê ji bo ku tecrîda li ser Rêber Apo bidawî bibe, meşek bi girseyî lidar xistin. Meş ji gundê Xelef heya gundê Barê bi dirûşmeyên “Bijî Serok Apo, “Bê Serok Jiyan Nabe” berdewam kir.
Kesên beşdarî meşê bûn, diyar kirin ku ew wek gelê Ereb yê Şengalê dixwazin bi Rêber Apo re hevdîtinê bikin. ji tevahiya gundên Ereba yên sînor jin û ciwanên Ereb beşdarî meşê bûn.
Dema ku meş gihişt gundê Barê li ser navê girseyê daxuyaniyek ji aliyê Endamê Ciwanên Ereb Hesen Eswed ve hat dayîn.
Hesen di destpêka daxuyaniyê de got: “Em wek gelê Ereb silavên xwe ji Rêber Apo re dişînin. Di vê demê de em pêngava aştî û civaka demokratîk a ku Rêber Apo daye destpêkirin silav dikin. Em heta dawiyê piştgiriyê didin pêngavên ku Rêber Apo ji bo aştiyê davêje.
Em dibînin ku çend meh derbas bûn, tevî ku gavên mezin ji aliyê Rêber Apo ve hatine avêtin jî, lê dewleta Tirk a dagirker li ser fikra xwe ya berê bi israre û tu gavên berbiçav ne avêtiye. Em dixwazin ku bi zûtirîn dem dawî li tecrîda li ser Rêber Apo were anîn. Her wiha em jî beşdarî pêngava dîtina Rêber Apo dibin . Em wek gelê Ereb dixwazin bi Rêber Apo re hevdîtin bikin.”
Piştî daxuyaniyê meş bi dirûşmeya “Bi Can, bi Xwîn, Em bi Te ne, Ey Serok” bi dawî bû.
