AMSTERDAM – Meşa ku ji aliyê Meclîsa Şehîd Çekdar Canfeda ya Hollandayê ve hat organîzekirin, ji aliyê polîsan ve hat astengkirin û hewl da belav bibe. Li aliyê din ciwan û gel li ber Gara Trenê ya Amsterdamê bi daxuyaniyeke çapemeniyê û bi qîrîna dirûşmeyan êrîşa polîsan a tund protesto kirin.
Ciwanan gotin, “Çawa ku dewleta Hollanda 25 sal berê deriyên xwe li Rêber APO girt, îro jî heman helwesta faşîst nîşan dide. Ev helwesta dewleta Hollandayê hevkariya wê ya di Komploya 15’ê Sibatê de derdixe holê.”
Li ser vê bingehê ciwanan Komploya 15’ê Sibatê û tecrîda girankirî ya li ser Rêber APO bi qîrîna dirûşmên bi zimanên Hollandî û Kurdî protesto kirin.
Di çalakiyê de ajanên dewleta Tirk a faşîst dem bi dem dixwestin provokasyonan bikin, lê girse nehatin provokasyonan û bi tilîlî û dirûşmeyan dawî li çalakiya xwe anîn.
Her wiha ciwanan banga tevlîbûna meşa “Rêwîtiya Azadî” ya ku wê di 9’ê Sibatê de li bajarê Mannheîm ê Elmanyayê dest pê bike, kirin.
Plansaziya meşa “Rêwîtiya Azadî” wiha ye;
09.02.2024 – Civîn – Mannheim
10.02.2024 – Roja 1 – Mannheim HBF
11.02.2024 – Roja 2 – Heidelberg – Hockenheim
12.02.2024 – Roja 3 – Homburg – Kirkel
13.02.2024 – Roja 4 – Friedrichsthal – Saarbrücken
14.02.2024 – Roja 5 – Saarbrücken
15.02.2024 – Roja 6 – Strasbourg
16.02.2024 – Roja 7 – Konferansa Strasbourgê
