BEHDÎNAN – Daxuyaniya Komîteyên Zindanan ên PKK-PAJK’ê wiha ye:
“Girtîgehên li Tirkiyeyê û Bakurê Kurdistanê ji mêj ve weke êşkencexane û qadên kuştinê hatine bikaranîn. Bi sedan hevrêyên me li van zindanan, ya bi êşkenceyê, ya di çalakiyên dijî êşkenceyê de yan jî ji nexweşiyên ji ber şert û mercên nebaş şehîd bûn. Şefê faşîst ê 12’ê Îlonê Kenan Evren bi gotina ‘gelo ji me tê xwestin ku em wan darve nekin, lê xwedî bikin?’ nêzîkatiya xwe ya kujer a li zindanan bi rengekî eşkere nîşan da. Desthilatdariya faşîst a AKP-MHP’ê jî li Kenan Evren zêde kir û polîtîkayên komkujî-qirkirinê gihand asta herî bilind. Bi mejiyê ’em bihêlin ku sax bimînin?’ bi sedan hevrêyên me yên nexweş di nava lepên mirinê de hiştin.
‘ŞEWBÊ JÎ MÎNA ZEMÎNEKÊ JI BO FAŞÎZMÊ BI KAR TÎNE’
Di vê demê de ku mirovahî tev li dijî vê belaya vîrûsa koronayê têdikoşe, faşîzma AKP-MHP’ê vê şewbê jî weke zemîneke guncav ji bo qirkirina Kurdan bi kar tîne. Ji aliyekî ve Rêberê me tecrîd dike ku sedema hebûna me ye, li aliyekî jî bi bayê bezê di vê dema vîrûsa koronayê de dest datîne ser şaredariyên gelê me, li herêma Kurdistanê li dijî şewbê ti tevdîrê nagire, bi operasyonên qirkirina siyasî zindanan dadigire, bi vegiertina deh hezaran girtiyên şoreşger ji qanûna înfazê dixwaze di nava lepên mirinê de bihêle. Niha metirsiya komkujiyê li ser hevrêyên me yên li zindanan bi taybetî jî li ser Rêberê me heye. Em zanin ku li hin zindanan vîrûs hatiye tespîtkirin. Eger tevdîr neyên girtin û girtî tavilê neyên berdan, divê her kes zanibe ku wê felaketek rû bide.
‘WÊ JI BO WAN JÎ BIBE FELAKET’
Bila desthilatdariya AKP-MHP’ê zanibe, felaketek rû bide wê ji bo wan jî bibe felaket. Wê di binê komkujiyeke wiha de bimînin. Lewma bêyî ku dereng bimînin divê di serî de Rêber Apo, girtiyên nexweş û girtiyên li zindana hemûyan berdin. Yekane rêya asayîbûna atmosfera siyasî ya li Tirkiyeyê û piştevaniya civakî bi vî rengî ye. Desthilatdariya heyî ku jê heye bi ferzkirina kuştinê li ser Kurdan wê ji pêvajoyeke wiha krîtîk rizgar bibe, bi vê nêzîkatiya xwe civak û gelên Tirkiyeyê hemûyan dixe nava felaketê. Lewma pirsgirêk ne tenê ya gelê Kurd e ya gelan hemûyan ên li Tirkiye û Kurdistanê ye.
Îro her yek ji me hewl dide bi rê û rêbazekê xwe ji vê şewbê biparêzin. Lê belê divê em vê yekê jî ti carî ji bîr nekin; li zindanan ib hezaran hevrêyên me hene ku tenê ji ber Kurd in, tenê ji ber xwestine gelê Kurd azad bibe hatine girtin. Di rewşekê de ku ti derfetên xwe nîne û êşkence û zext gihîştine asta herî bilind bêyî ku tevdîre bê wergirtin, girtî ne. Lewma bi qasî ku em li xwe difikirin û hewl didin xwe biparêzin, divê em li Rêberê xwe û van hevrêyên xwe jî bifikirin û wan biparêzin. Ji ber vê yekê di serî de malbatên girtiyan, gelê me, hêzên demokratîk, rêxistinên civakî û pêkhateyên rêxistinbûyî yên gelê me, heta ji wan tê divê li ber vê felaketa ku faşîzma AKP-MHP’ê dixwaze pêk bîne rabin û bi rê û rêbazên afirîner li dijî vê komkujiyê li ber xwe bidin.
‘JI BO ENCAMEKE BI BANDOR DIVÊ HER KES TÊKOŞÎNÊ MEZIN BIKE’
Mîna her carê vê carê jî ya ku encamê diyar bike berxwedana me û gelê me ye. Ji ber vê yekê em bang li gelê xwe, dostên xwe û raya giştî ya demokratîk dikin ku ji bo berdana girtiyên siyasî hemûyan bi taybetî Rêber Apo û girtiyên nexweş, ji bo parêzer û heyetên ji doktorên serbixwe ji Girtîgeha Îmraliyê re bên şandin û fikarên raya giştî ji holê bên rakirin, ji bo qanûna înfazê ya gengaz girtiyên siyasî jî vehewîne û di mijara vîrûsa koronayê de li zindanan tevdîrên encamgir bên wergirtin, têbikoşin.”
