NAVENDA NÛÇEYAN
Dîktatoriya Akp-Mhp’ê ya faşîst ku dixwazin xeyala Osmaniyê di serdema teknolojiya vê serdemê bi rêbazên Enver Paşa pêk binin, tu tawîz nemane ku nedaye. Aliyekî jî dixwazin vê pozîsyona tawîzkar bi hêza şerê xwe yê taybet ku bi tevgerên dagirkeriyê yê nû dide meşandin veşêre.
Seranserê Dîrokê; ji Çiyayê Kurdistanê yê mezin ji bo mirovan bûye dergûş û herdem bûye cihê şervanên azadiyê, îro jî hin operasyon lê tê melandin. Lê bes ji bo ku xwe wek “serkeftî” li hemberî Gerîlayên serdema fezayê yê ku bi felsefeya jiyana azad xwe afirandiye nîşan bide bi rêbazên nû êrîŞên xwe pêk tinin.
Lê belê ruxmê ku çekên giran ên êrîşê yê vê serdemê yê bi hêz bêsînor bikar tinin jî, dîsa ji destê Gerîlayên serdema fezayê her roj derbên giran dixwin.
Berê jî ji dehan caran operasyonên dagirker pêk anîbûn, lê çawa ew dem bêencam bû, îro jî ji van operasyonan encamek cuda ne standine. Leşkerên dagirker ku şandine çiyayê Kurdistanê li du wan tenê wêneyên wan ên li ser tabûtan mane.
Artêşa dagirker a tirk ku têkçuyîna xwe li dijî hêzên Gerîla a li qadê nikare bine ser ziman, xitimandin û pîskolojiya binketinê ya di nava artêşa dagirker de êdî hatiye astekê ku nakeve nava qaliban. Di rojên dawî de îstîfayên ku hatin kirin eynika vê yekê ye.
Generalê artêşa dagirker a tirk Arif Çetin ku dixwazt vê rewşê biguherine bi daxuyaniyê ku da raya giştî di hevokên ku bikar anî eşerek ev rastiya xwe anî ser ziman. Çetin destpêkê got, ji 24’ê Tîrmeha 2015’an vir de me bênavber “operasyonên serkeftî” pêk aniye û di berdewamiyê de wek hemû kesên ku dibêje me Gerîla xelas kir û nikarin rastiyê binin ser ziman, bi awayekî bêzanebûn wiha dibêjin; Serweriya qadê ne di destê me deye, ji bo em vê biguherînin em ê hemû hêza xwe a êrîşkirinê bikar binin. Yanî vekirî dibêje ku serweriya qadê di destê Gerîla deye. Ev yek wê bibe pêşvekirina îtîrafên din.
Eşerekirina vê rewşê ji aliyê generalê artêşa tirk a dagirker ku serwerî di destê Gerîla daye, nîşan dide ku çalakiyên bi rêbazên nû hatine pêşxistin encam girtiye. Her hêza ku derdikeve operasyonê ji aliyê Gerîla tê dorpêçkirin û dema ku dixwaze lêdide, nîşan dide ku hunera şer di gerîlatiyê de çiqasî pêşketiye û çalakiyê bi encam lidar dixin. Gerîlayên ku her roj çalakiyê serkeftî lidar dixin HPG BÎM’ê bi vê daxuyaniyê ragihand:
“Dewleta TC a daigrker ku di çarçoveya konsepta şerê pîskolojîk de ragihand herêmên dikevin sêgoşeya Colemêrg, Wan û Şirnexê di bin navê operasyona ‘Kiran’ de dest bi operasyonê kiribûn, niha bi navê ‘Kiran 2^de li herêmên dikevin sêgoşeya Mêrdîn, Êlih û Şirnexê de li dijî hêzên me dest bi operasyonê kiriye. Di operasyona dagirkeriyê ya li Colemêrg, Wan û Şirnexê ku wisa dide nîşandan bi serketine û di dema ku fermandarê giştî yê jendermenyan bi daxuyaniya ‘Me çiyan ji gerîla paqij kir’ gerîla bi çalakiiyên xwe ev operasyon ‘Têkbiriye’. Gerîla bi çalakiyên xwe yên bi taktîk û rêbazên cuda yên li herêmê li dijî hêzên operayonê lidar xistin, zêdetirî 20 leşkerên dijmin hatine kuştin. Gerîlayên Kurdistanê bi van çalakiyên xwe yên lidar xistin, hewldana şovkirinê ya dewleta TC’ê ya faşîst û tevgera wê ya pîskolojîk tarûmar kiriye. Bi lêdana ji Elkê heta Cûdî, ji Cûdiyê heta Qilabanê ya derbên xurt ên gerîla hemû rastî raxistiye berçavan, hemû derewên dewleta Tirk raxistiye berçavan. Artêşa TC’ê ya li beramberî gerîla têk diçe, dixwazin bi operasyonên nû, encamên rast ên şer binixûmînin. Gerîlayên her roj derbên xurt li dijmin dixin, navê vêan tevgerên dagirkeriyê yên bejahî çi dibe bila bibe wê di asteke herî xurt de bersiv bide, wê dewleta TC’ê derbeya dîrokî bixwe.”
Wek HPG-BÎM di daxuyaniya xwe de derbên dîrokî li dijî dewleta dagirker ragihandiye, wê dagirker bersiva pêwîst bigre, em vê dikarin bi gelek minakên berbicav rêz bikin.
Ji ber vê em dikarin bi rehetî bêjin ku di pêvajoya pêşiya me wê pêşketinên dîrokî bên jiyankirin.
Harun XWEZA
