EDENA – Li Edeneyê, ji bo protestokirina êrîşên li ser Rojava ji aliyê HTŞ, DAIŞ û komên paramîlîter ên ku ji aliyê Tirkiyeyê ve tên piştgirîkirin, daxuyaniyek hat dayîn. Ev yek di çarçoveya 1ê Sibatê Roja Cîhanî ya Hevgirtinê bi Rojava re bû.
Li çerxerêya Karasu ya li Taxa Daglioğlu ya navçeya Seyhan a Edeneyê daxuyaniyek hate dayîn. Bi sedan kes li qadê kom bûn, bi defan stranên berxwedanê gotin û hela reqs kirin. Girseyê gelek caran dirûşmeyên wekî “Bijî berxwedana gelê Kurd”, “Bijî berxwedana Rojava” û “Yek e yek e gelê Kurd yek e” qîr kirin. Polîsan bi hinceta “qedexe” rê li ber meşa girseyê girt. Piştî vê yekê, hevserokê Şaxa Edeneyê ya Partiya DEMê Seyfettin Aydemir li cihê bûyerê daxuyaniyek da û got ku parastina îrade û destkeftiyên li Rojava derketine holê ne tenê erkê hevgirtinê ye, lê di heman demê de berpirsiyariyek dîrokî ye ji bo gelên Rojhilata Navîn û cîhanê. Aydemir, bi diyarkirina ku yekîtiya neteweyî ya demokratîk pêwîstiyek dîrokî ye, bang li hemî hêzên demokratîk kir ku vê mîrateyê biparêzin.
Piştre, zincîra mirovan bi stranên berxwedanê hate çêkirin.
