NAVENDA NÛÇEYAN – Koordînasyona YPS’ê ya daxuyaniyek nivîskî da got: “35’emîn salvegera Cejna Vejînê ya 15’ê Tebaxê ku ji bo gelê Kurd roja ji nû ve dayikbûnê ye, di serî de li Rêber Apo ê mîmarê têkoşîna berxwedanê, hemû gelê xwe hevrêyên xwe yên di eniyan de li ber xwe didin pîroz dikin.”
YPS’ê ji bo 15’ê Tebaxê got: “Bû guleya yekem a li Kurdistanê li dijî mirovahiya li bin lingan hatibû xistin û ji nû ve vejiya, her wiha li dijî mêtingerî û kolekirinê bû.”
YPS’ê ev got: “Em salvegera 35’an a Berxwedana 15’ê Tebaxê bi coşeke mezin pêşwazî dikin û bû sedemê qehremaniyên mezin bên avakirin, di serî de hevrê Egîd, Bedran, Sari Îbrahîm û Erdal hemû şehîdên şoreşê bi minet bibîr tînin û soza avakirina Kurdistaneke azad a hesreta wan e didin.
Pêngava 15’ê Tebaxê tê wateya roja ji nû ve vejînê ya gelê me û welatê me yê ku di bin betonê de hatibû hiştine. Berxwedana Kurdistanê ya di serê sedsalê de hatibû parçekirin û mêtingerkirin bi guleya yekem a pêngava 15’ê Tebaxê re pêk hatiye. Guleya yekem a 15’ê Tebax hatî teqandin ne tenê li dijî leşker heman demê li dijî mêtîngerî û parçekirinê de jî hatiye teqandin. Ji bo wê ye ev pêngav ne tenê leşkerî heman demê pêşketinên hişmendî, civakî û siyasî jî bi xwe re aniye. Destkeftiyên 35 salên dawî yên Kurd û Kurdistanê hatine bidestxistin hemû encamên Pêngava 15’ê Tebaxê ne. Pêngava gerîla ya bi 15’ê Tebaxê re hatî avêtin di roja îro de jî bi heman kelecanê û tempyê dewam dike. Têkoşîna gerîla ya bi 15’ê Tebaxê re hate destpêkirin hem li Kurdistan û hem jî li Rojhilata Navîn destkeftiyên têkoşîna azadî û demokrasiyê derxistiye holê û diparêze. Li gel Pêngava 15’ê Tebaxê ya gerîla re li Kurdistanê bingehê jiyana azad û nû hate avêtin. Ciwan, jin û civaka Kurd a îro li çar parçeyên Kurdistanê rabûye ser xwe îfadeya wê ye.”
Koordînasyona YPS’ê diyar kir ku ji roja gava yekem a Pêngava 15’ê Tebaxê hatî avêtin û vir ve ‘ji bo her raperîn bûye hêvên û ruhê ‘ berxwedana gelê Kurd a li ser erdnîgariya Kurdistanê ya li dijî mêtingerî û dagirkeriya dewleta Tirk.”
Di dewama daxuyaniyê de ev hate gotin: “Di berxwedana Xwerêveberiyê ya bi pêşengtiya Çiyager û Zeryayan ên bûne Egîd ku li Sûr, Şirnex, Cizîr, Nisêbîn, Silopya, Wan û Geverê dîsa li gelek bajarên Bakurê Kurdistanê hatin pêşxistin, bûye encama ruhê vê Raperîn û bû sedemê pêngaveke nû. Hêzên YPS’ê yên ala têkoşînê ya ji vê berxwedana destanî wergirtin, bi boneya salvegera 36’an a Pêngava 15’ê Tebaxê de soza em ê hemû erkên şoreşgeriyê bicih bînin didin.
Li ser vî bingehî di sala 36’ê ya Pêngava 15’ê Tebaxê de ji bo bersiva herî baş a ji bo Rêber Apo û hemû şehîdên pêngava dîrokî bidin, hemû enî û çeperên têkoşînê bi vîn û biryardariyeke mezin tje bikin têkoşînê belavî her qadê bikin. Bang li gelê xwe yên welatparêz dikin ku 15’ê Tebaxê bi ruhê Raperînê li her qadê bi girseyî pîroz bikin. Di sala 36’an a têkoşînê de serketinê ji bo gelê xwe û hevrêyên xwe dixwazin.”
