NAVENDA NÛÇEYAN – Çalakiyên Hêzên Rizgariya Efrîn li dijî leşker, çete û terorîstên girêdayî dewleta Tirk a dagirker ya li Efrîn û herêmên derdora wê bicîh bûne didomîn in. Di 15 rojên dawî de Hêzên Rizgariya Efrîn di çalakiyên xwe de 24 çeteyên dagirker li Efrîn û navçeyên wê, li Bab û Ezazê kuştine.
HRE’ê der barê kîryarên dewleta tirk a dagirker û çeteyên wê ev tişt got: “Em wek Hêzên Rizgariya Efrînê bi bîr dixin û tekez dikin ku hemû kiryarên terorane yên artêşa Tirk a dagirker û çeteyên wê li Efrînê wê tu caran bê hesab nemînin û wê tol ji wan were rakirin.”
Daxuyaniyê HRE der barê çalakiyan de wiha bû:
“Di dîroka 13’ê Tîrmehê de li navçeya Şera li dijî çeteyekî endamê koma Ehrar El-Şam hêzên me çalakiyeke sekvanî li dar xist. Di encama çalakiyê de çeteyê bi navê Ebu Eymen hat kuştin. Ev çalakiya tolhildanê ku hêzên me li dar xist, ji ber çeteyê bi navê Ebu Eymen destê wî di xwîna hevrêyekî me yê şehîd de hebû, her wiha çete Ebu Eymen bi cenazeyê hevrêyê me yê şehîd lîstibû.
Di dîroka 12ê Tîrmehê de hêzên me li gundê Hizwan yê girêdayî herêma Babê çalakiyeke li dijî baregeh û stargehên komên çete yên girêdayî artêşa Tirk a dagirker li dar xistin. Di encama çalakî û pêvçûnên dijwar di navbera şervanên me û çeteyan de rû da, 7 çete hatin kuştin û 2 jî birîndar bûn. Her wiha şervanên me dest danîn li ser dûrbînekî şevê ya artêşa Tirk a dagirker, çekek AK-47 kalaşnikof û telefonekî çeteyan. Çeteyên ku hatine kuştin endamên van koma ne: koma çete ya Sultan Murad, Tevgera Ehrar El Şam û El Cebha El Şamiyê.
9’ê Tîrmehê hêzên me bi çalakiyeke sabotajê wesayîteke leşkerî ya fermendarekî koma çete ya bi navê Ehrar El Şam li navenda navçeya Cindirêsê kirin armanc. Di encamê de çeteyê bi navê Ebû Hesan Sufyan hat kuştin û yek din jî bi giranî birîndar bû, her weha wesayîta leşkerî jî derb xwar.
Roja 5’ê Tîrmehê hêzên me bi çekên sivik û navîn êrîş birin li ser hejmareke ji çeteyên Ehrar El Şam li ser rêka di navbera gundê Basûtê û Xezawî yên girêdayî navçeya Şêrawa, di encamê de hejmareke ji çeteyan hatin kuştin. Hemwextî wê, hejmarek ji çeteyên koma navborî xwestin destwerdan bikin lê şervanên me bi çalakiyeke sabotajê ew kirin armanc. Di encama her du çalakiyan de 4 çete hatin kuştin û 4 çete jî birîndar bûn.
Di 4ê Tîrmehê de hêzên me li Marê li hember seyareyeke leşkerî ku gelek çeteyên girêdayî artêşa dagirker a Tirk tê de bûn, çalakiyek li dar xistin. Di encamê de 2 çeteyên dagirker hatin kuştin û 4 jî birîndar bû. Seyareya leşkerî jî hate rûxandin.
3’yê Tîrmehê hêzên me çalakiyeke berfireh û bi bandor li dijî çeteyên Firqet El Hemzat ên girêdayî artêşa Tirk a dagirker li derdora gundê Daxilbaş yê girêdayî herêma Babê lidar xistin. Şervanên me bi çekên sivik û navîn şerê rû bi rû li dijî çeteyan kirin. Di encama şer de şervanên me çûn li ser 2 cenazeyên çeteyan, her wiha bi qasî ku hat tekez kirin 2 çete jî bi giranî birîndar bûn. Şervanên me dest danîn li ser du çekên ji cûreya AK-47 û rextekî çeteyan.
3’yê Tîrmehê hêzên me bi çalakiyeke sabotajê wesayîteke leşkerî ku hijmareke ji çeteyên Firqet Sultan Murad têde bûn li ser rêka navçeya Bilbil û Meydankê kirin armanc. Di encamê de 3 çeteyên koma navborî bi giranî birîndar bûn û wesayît derbe xwar.
Hêzên me 3’yê Tîrmehê bi çalakiyekî bi bandor navendekî kombûyîna koma çete ya bi navê Ceyş El Nixbê li derdora bajarê Mareyê kirin armanc. Di encamê de bi qasî ku hate zelalkirin 3 çete hatin kuştin û 4 jî birîndar bûn.”
2 Tîrmehê hêzên me çalakiyek li dijî 2 nuqteyên leşker û çeteyên Tirk ên li gundê Meryemîn yê girêdayî navçeya Şera lidar xistin. Di encamê de her du noqte hatin rûxandin, 2 çete ku yek ji wan leşkereke Tirk bû û yê din çeteyê (Liwa El Şimal) bû hatin kuştin, her weha 2 leşkerên Tirk jî birîndar bûn.
2 Tîrmehê, hêzên me kemînek li derdora gundê Kefer Xaşir yê girêdayî bajarê Ezazê danîn û komeke çete ji koma (Liwa El Şimal) kirin armanc. Di encamê de şer di navbera şervanên me û koma çete de rû da, bi qasî ku hat tekez kirin 2 çete hatin kuştin û 4 jî birîndar bûn.
Di dema şer de, komeke çete ku dixwest piştgirtiya çeteyan bike bûn hedeva şervanên me û mayînek bi wesayîta wanve hat teqandin, di encamê de 7 çete birîndar bûn ku di nav wan de çeteyên birîna wan giran jî hebû, her wiha wesayîteke leşkerî jî hat ruxandin.
Di dîroka 2 Tîrmehê de, di navbera hêzên me û komên çete yên girêdayî artêşa Tirk a dagirker li derdora bajarê Mareyê şer rû da, lê encam ne hat zelal kirin.”
