ŞENGAL – Yekîtiya Ciwanên Êzidî (YCÊ) li navçeya Şengalê Guhbel ji bo bîranîna şehîd Ezda turnûvaya futbolê bi beşdarbûna 12 tîman lidar xist. Ev turnûva di 10’ê Tîrmehê ji milê endamê komîteya werzîşê Hisen Şengalî bi avêtina gogê destpê kir. Doh lîstoka dawî ya fînalê di navbera Necim Guhbel û Cebel Guhbel hate lîstin. Di lîstoka fînalê de gelek welatî, endamên komîteya werzîşê û ciwanên ji herêmê amadebûn.
Di encama lîstoka fînalê de Necim Guhbel bi 5-0 biserket û bû şampiyona turnûvayê. Tîmên ku di turnûvaya futbolê hatin beramberî hev xelatê xwe wergirtin û tîma şampiyon jî qûpa wergirt.
Turnûvaya ji bo bîranîna şehîdan bi xelatdayînan bidawî bû.
