Berxwedana Kobanê bibû sedem ku çeteyên DAÎŞ’ê ji her aliyê ve têk biçe. Vaye di vê oxirê de bi hezaran şehîd hat dayîn. Yek ji wan Şehîdan jî Şehîd Dîrok’e ku 2 sal û 3 meh li dijî çeteyên DAÎŞ’ê şer kir û berxweda.
KOBANÊ – Berxwedana Kobanê bibû sedem ku çeteyên DAÎŞ’ê ji her aliyê ve têk biçe. Vaye di vê oxirê de bi hezaran şehîd hat dayîn. Yek ji wan Şehîdan jî Şehîd Dîrok’e ku 2 sal û 3 meh li dijî çeteyên DAÎŞ’ê şer kir û berxweda. Malbata Şehîd Dîrok a ku piştî birayê wê şehîd dikeve, çeka wê radike têkoşîn û berxwedana wê ji Ajansa Nûçe Ciwan re nirxandin.
Dayika Şehîd Egîd û Şehîd Dîrok wiha behsa berxwedana zarokên dike û dibêje: “Ez di destpêkê de Ji Rêber Apo re û hemû hevalan re spas dikim û silav dikim ku me ji dest dijmîn xilas kirin. Me şehîd jî da lê ne pir e, ji bo Serok û ji bo axa xwe me şehîd da. Raste dema Heval Egîd çû ji min re pir zehmet dihat. Lê piştê ku Egîd şehîd ket û çeteyan êrîşê axa me kirin keça min Hevala Dîrok jî got ez ê çeka birayê xwe rakim û biçim. Min got neçe, lê ew got ez ji yê din ne çêtirim û çû. Piştê wê dem amin hevalan didît bêhna min vedibû û wek zarokên min dihatin.
Dema êrîş li ser Kobanê jî hat me got em derbasî Tirkiye nabin. Ez û bavê Egîd man. Min got ji bo Hevala Dîrok ez ji vir dernakevim, gulleyek ku were wê bila were li min bikeve. Piştre Hevala Dîrok birîndar bû û birin li Rihayê tedawî kirin. Piştre jî derbasî Efrînê bû. 2 sal û 3 meh div an axan de berxwe da. Serê gelê me sax be. Niha jî em kêfxweşin. Em ji wan zaliman, ji wan gemaran xilaskirin. Serkeftin ji wan re.”
Bavê Şehîd Dirok a ku berxwedanek mezin nişan da jî behsa berxwedanê wiha dike: “Heval Dîrok her tim dixwest beşdarî hevalan bibe. Dema ew çû jî çete êrîş kirin. Di tevahî şerê Kobanê de hebû. Li wir birîndar bû. Piştre çû Helebê, li Şexmexsud birîndar bû dîsa. Piştre çû di berxwedana Efrînê Şehîd ket. Wê demê em çûn ji bo tirba wê bibînin. Lê dewleta Tirk bi balafiran êrîş kir. Me nekarî bibînin. Heya niha jî em nizanin ka tirba wê li ku ye. Niha şerê çeteyan xilas bû taliya wan hat. Xwesteka me ew bû, yê girîng em ser ketin. Ruxmê ku me şehîd jî dan me dawiya wan anî.”
Apê Şehîd Dîrok û Şehîd Egîd Apê Elî jî wiha kêfxweşiyên xwe yê qedandina DAÎŞ’ê dike: “Hevalê Egîd ji welatê xwe hezdikir. Çû beşdarî gerilla bû. Piştê ku Şehîd ket, Hevala Dîrok hat ji min re got Apo ez dixwazim çeka birayê xwe rakim û çû beşdarî şerê çeteyan bû. Hevala Dîrok di şerê Kobanê de pir şer kir. Ruxmê ku li Kobanê birîndar bû jî bere xwe da şerê Efrînê. Îro jî em dinerin me xewn û xeyala wan şehîdan anî cîh. Bi fikre Serokatî û bi saya YPG-YPJ me xewn û xeyalên wan anî cih. Înşallah em ê xewn û xeyala şehîdan a azadkirina Kurdistanê û azadkirina Serokatî jî bînin cih. Hebûna me tunebûna me rêya şehîdên me ne. Pêwîste em şev û roj li ser piyan bin. Ji ber ku ew bi canê xwe ev jiyana bi rumet ji me re dan, pêwîste em jî bi xebatên xwe armanca wan pêk bînin. Wê demê serkeftin a me be.”
