Koordînasyon Tevgera Ciwanên Şoreşger; ”Em bang li hemû Ciwanên Şoreşger û tevahî ciwanan dikin ku bi awayekî herî xurt tevlî wan çalakiyan bibin û ji van meş û çalakiyan re di astekî her jor de pêşengtî bikin.”
QAMİŞLO- Koordînasyon Tevgera Ciwanên Şoreşger a Suriyê yê li Qamişlo bi tevli bûna dehan ciwanan li ser pêvajoya dawî bi daxuyaniyekî li raya giştî agahdar kir. Tevgera Ciwanên Şoreşger di daxuyaniya xwe de anî ziman ku ew tevahî ciwanan û gelên xwe ji bo dagirkirina Efrîn û tecrîda li ser Rêberê Gelan Abdullah Ocalan di 20’ê meha Çileya 2019’an de vedixwînin kolan û qadên têkoşînê.
Daxuyanî ciwanan wiha ye:
Di dîroka 20’ê Çileya 2018’an de dewleta Tirk a faşîzane dest bi dagirkirina li ser axa Efrînê kir. Ev rewş ji bo me ne rewşekî nû ye. Dewlata Tirk a dagirker ji dîroka xwe ya avabuyî de heya roja me îro esasên polîtîkayên qirqirina gelê kurd û tewayî gelên heremî wek rêyekî esasî û bingehin ji bo xwe hilbijart. Li ser vî esasî dewleta dagirker bi çeteyên ku ji bo tinnekirina mirovahî hatibû rêxistinkirin bi navê DAİŞ û her wekî din, bi şeklekî cil û nav guhertinê ev çete xistin nava axa Efînê û êrîşên hovane li dijî civakê pêk anîn. Her çiqas li berbamberî dagirkeriya dewleta Tirk tewahî cihan di nav bedengiya xwe da mabe jî, gelên Azadîxwaz û Şervanên Azadiyê e ku heya dawî bi axa xwe ra girêdayiye li hemberî çeteyên Erdoğan Berxwedan meşand û destanên qehremantiyê nivisandin. Her çiqas li ser dagirkirina Efrînê re salek derbas bibe jî ew destana qehremantiyê di şexsên ‘Hêzên Rizgariya Efrînê’ de xwe nu dike û darbeyên kuştinê li dijminê dagirker a dewleta Tirk dixe.
Şoreşa ku bi fikir û felsefeya Rêber APO de, li tevahî cihan û Rojhilata Navîn belav dibe dewleta Tirk a dagirker ji bo xwe wek xeterî û metirsiyên pir mezin dibine. Li ser van esasan demekî direje li ser Rêberê me tecrîd û îzalasyonekî dijî mirovahiyê tê meşandin. Ji bo ruxandin û parçe kirina sîstema Îmraliyê li her qadan têkoşîn û berxwedanên pir mezin çêbun. Taybet bi pêşengtiya Rêheval Leyla Guven de çalakiyên girêva birçîbûnê pêl bi pêl belav bu û dagirkerî tengav kir. Herî dawî bi riya malbata Serokatî hevditinek hat li dar xistin. Em tenê bi vê hevditinê razî nabin, heya Rêbertiya me fîzîkî azad nebe em ji bo xwe jiyanekî asayî napejirînin û bi tu awayî qebul nekin. Wek pêşengê Tevgera me Heval Mazlum Doğan diyar kiriye ku ‘Berxwedan Jiyane’, îro jî em dibînin ku li beramberî dagirkerî û faşîzmê çiqas berxwedanî û têkoşîn pêşbikeve dê ewqas dagirkerî biruxe serkeftina gelê berxweder wê misoger bibe.
Ji bo Azadiya Rêber APO, parçekirina dagirkeriya dewleta Tirk em wek Ciwanên Şoreşger li Bakur û Rojhilatê Sûriyê her tim din nav berxwedanî û çalakiyan de bûn. Li ser vî esasî em tevahî ciwanan û gelên xwe ji bo dagirkirina Efrîn û tecrîda li ser Rêbertî di 20’ê meha Çileya 2019’an de vedixwînin kolan û qadên têkoşînê. Di 20’ê Çileye de wê li hemû qadan çalakiyên cur be cur bên li darxistin. Em bang li hemû Ciwanên Şoreşger û tevahî ciwanan dikin ku bi awayekî herî xurt tevlî wan çalakiyan bibin û ji van meş û çalakiyan re di astekî her jor de pêşengtî bikin. Ji ber ku yê dagirkerî parça dike, jiyana wekhev û azad ava dike, berxwedan û têkoşînê pêşdixe ciwanin. Li ser vê bingehê çalakiya Heval Leyla Guven a ku ketiye roja 67’an, em bi hêstên xwe ên şoreşgerî silav dikin û em ê şopdarê xeta berxwedanê bin.
